Almaty qalasynda ruqsat etilmegen qoqys oryndarynyń anyqtalýyna bailanysty birqatar aýdan ákimdikteriniń laýazymdy tulǵalary ákimshilik jaýapkershilikke tartyldy. Bul týraly Bas prokýratýranyń baspasóz qyzmeti málámdedi, dep habarlaidy Dalanews.kz.
Bas prokýratýranyń málimetinshe, ekologiialyq zańnamanyń saqtalýyna júrgizilgen monitoring barysynda qala aýmaǵynda 30-dan astam zańsyz qoqys orny anyqtalǵan.
«Qaldyqtardy basqarý boiynsha ekologiialyq talaptardyń buzylýyna bailanysty QR Ákimshilik quqyqbuzýshylyq týraly kodeksiniń 344-babynyń 3 jáne 5-bólikterine sáikes Medeý jáne Túrksib aýdandary ákimderiniń orynbasarlary, sondai-aq Alataý aýdany ákiminiń apparat basshysy ákimshilik jaýapkershilikke tartyldy», – delingen Bas prokýratýra taratqan resmi habarlamada.
Qazaqstan Respýblikasynyń «Qazaqstan Respýblikasyndaǵy jergilikti memlekettik basqarý jáne ózin-ózi basqarý týraly» Zańyna sáikes, aýdan ákimderine abattandyrý jumystaryn uiymdastyrý mindeti júktelgen.
Anyqtalǵan zańsyz qoqys oryndaryn joiý boiynsha tiisti jumystar júrgizilgeni aityldy.
Almaty qalasyndaǵy ekologiialyq tártiptiń saqtalýyna baqylaý jumystary jalǵasýda.
