الماتى قالاسىندا رۇقسات ەتىلمەگەن قوقىس ورىندارىنىڭ انىقتالۋىنا بايلانىستى ءبىرقاتار اۋدان اكىمدىكتەرىنىڭ لاۋازىمدى تۇلعالارى اكىمشىلىك جاۋاپكەرشىلىككە تارتىلدى. بۇل تۋرالى باس پروكۋراتۋرانىڭ باسپا ءسوز قىزمەتى مالامدەدى، دەپ حابارلايدى Dalanews.kz.
باس پروكۋراتۋرانىڭ مالىمەتىنشە، ەكولوگيالىق زاڭنامانىڭ ساقتالۋىنا جۇرگىزىلگەن مونيتورينگ بارىسىندا قالا اۋماعىندا 30-دان استام زاڭسىز قوقىس ورنى انىقتالعان.
«قالدىقتاردى باسقارۋ بويىنشا ەكولوگيالىق تالاپتاردىڭ بۇزىلۋىنا بايلانىستى ق ر اكىمشىلىك قۇقىقبۇزۋشىلىق تۋرالى كودەكسىنىڭ 344-بابىنىڭ 3 جانە 5-بولىكتەرىنە سايكەس مەدەۋ جانە تۇركسىب اۋداندارى اكىمدەرىنىڭ ورىنباسارلارى، سونداي-اق الاتاۋ اۋدانى اكىمىنىڭ اپپارات باسشىسى اكىمشىلىك جاۋاپكەرشىلىككە تارتىلدى»، – دەلىنگەن باس پروكۋراتۋرا تاراتقان رەسمي حابارلامادا.
قازاقستان رەسپۋبليكاسىنىڭ «قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن-وزى باسقارۋ تۋرالى» زاڭىنا سايكەس، اۋدان اكىمدەرىنە اباتتاندىرۋ جۇمىستارىن ۇيىمداستىرۋ مىندەتى جۇكتەلگەن.
انىقتالعان زاڭسىز قوقىس ورىندارىن جويۋ بويىنشا ءتيىستى جۇمىستار جۇرگىزىلگەنى ايتىلدى.
الماتى قالاسىنداعى ەكولوگيالىق ءتارتىپتىڭ ساقتالۋىنا باقىلاۋ جۇمىستارى جالعاسۋدا.
