2025 jyly 19 aqpanda saǵat 09:30 - da Almaty qalasyndaǵy "Qazaqstan" qonaq úıinde (Dostyq dańǵyly, 52/2) IýNESKO qaýymdastyqtary men klýbtarynyń Birinshi Jahandyq Jastar Forýmy (GYF) ótedi. Bul forým álemniń 60-qa jýyq elinen 150-den astam qatysýshynyń basyn biriktiredi, dep habarlaıdy Dalanews.kz. 

Forýmdy IýNESKO jáne Dúnıejúzilik IýNESKO klýbtary men qaýymdastyqtarynyń Federasıasy (WFUCA), Qazaqstandyq Ulttyq IýNESKO klýbtarynyń Federasıasynyń, Qazaqstan jáne Fransıa IýNESKO isteri jónindegi Ulttyq komısıalarynyń, sondaı-aq QR Syrtqy ister mınıstrliginiń, QR Mádenıet jáne aqparat mınıstrliginiń jáne Almaty qalasy ákimdiginiń qoldaýymen uıymdastyrylady. 

Eki kún boıy IýNESKO klýbtary men qaýymdastyqtarynyń ókilderi, sondaı-aq úkimettik, akademıalyq jáne bıznes salasynyń mamandary, sonyń ishinde IýNESKO sarapshylary áleýetti arttyrý, jastardyń quqyqtary men múmkindikterin keńeıtý, jasandy ıntellektini paıdalaný etıkasy, sıfrlyq tehnologıalardy qoldaný, turaqty týrızm, klımattyń ózgerýi, ınklúzıa jáne kórkem bilim máselelerin talqylaıdy.

İs-shara aıasynda Qazaqstanǵa IýNESKO-nyń izgi nıet elshisi H. Abbın, jasandy ıntellekt salasyndaǵy álemdik jetekshi profesor D-r V. Holms, Dúnıejúzilik IýNESKO klýbtary men qaýymdastyqtarynyń Federasıasynyń Atqarýshy keńesiniń músheleri jáne basqa da tulǵalar arnaıy joǵary mártebeli qonaqtar retinde keledi.

Forýmnyń basty nátıjesi – "2025-2030 jyldarǵa arnalǵan IýNESKO qaýymdastyqtary men klýbtary jastarynyń jol kartasy: turaqty bolashaqty birge qurý" qabyldaý bolmaq. Bul qujat 94 eldegi 5 000-nan astam uıymdy qamtıtyn qozǵalystyń strategıalyq damý baǵyttaryn anyqtap, jastardyń múmkindikterin keńeıtedi jáne IýNESKO klýbtarynyń kóshbasshylar jelisin nyǵaıtady. 

Bul bastamany sonymen qatar "Karachaganak Petroleum Operating B.V." kompanıasy, Bank SentrKredıt, "Qazaqstan" qonaqúıi, Doscar kompanıalar toby jáne "Shymbulaq" taý-shańǵy kýrorty qoldady.