Almaty qalasynyń Kásipkerlik jáne investitsiialar basqarmasyna qarasty ShJQ «Almaty veterinarlyq qyzmet» KMK iesiz jáne buralqy janýarlarǵa jedel veterinarlyq kómek kórsetý qyzmetiniń iske qosylǵanyn málimdedi,- dep habarlaidy Dalanews.kz
Jańa qyzmettiń negizgi maqsaty – shuǵyl veterinarlyq kómekti qajet etetin tótenshe jaǵdailarǵa jedel áreket etý jáne zardap shekken janýarlardy veterinarlyq klinikalarǵa tasymaldaý.
Qyzmettiń úzdiksiz jumysyn qamtamasyz etý úshin barlyq qajetti jabdyqpen jaraqtalǵan eki arnaýly brigada quryldy.
Jedel veterinarlyq kómekti qajet etetin negizgi jaǵdailar mynalar:
- JKO nemese qulaý saldarynan bolǵan aýyr jaraqattar;
- Ýlaný;
- Asqynýlar men infektsiialarǵa ákelýi múmkin jaraqattar men shaǵýlar;
- Jedel aýrýlar, onyń ishinde kollaps, júrek-qan tamyrlary jetispeýshiligi, tynys alý buzylystary.
Veterinarlyq kómek qaraýsyz qalǵan iesiz jáne buralqy janýarlarǵa kórsetiledi. Janýarlardy tasymaldaý úshin qajetti quraldarmen jabdyqtalǵan eki arnaiy júk kóligi paidalanylady. Olar usaq janýarlarǵa arnalǵan torlarmen, zembildermen, alǵashqy meditsinalyq dári-dármektermen, tańý materialdarymen jáne diagnostikalyq quraldarmen jabdyqtalǵan.
Jedel veterinarlyq kómek qyzmetiniń bailanys nómirleri: 8 708 595 64 04, 338 27 59, Almaty qalasynyń Biryńǵai qyzmeti – 109.
