الماتى قالاسىنىڭ كاسىپكەرلىك جانە ينۆەستيسيالار باسقارماسىنا قاراستى شجق «الماتى ۆەتەرينارلىق قىزمەت» كمك يەسىز جانە بۇرالقى جانۋارلارعا جەدەل ۆەتەرينارلىق كومەك كورسەتۋ قىزمەتىنىڭ ىسكە قوسىلعانىن مالىمدەدى،- دەپ حابارلايدى Dalanews.kz
جاڭا قىزمەتتىڭ نەگىزگى ماقساتى – شۇعىل ۆەتەرينارلىق كومەكتى قاجەت ەتەتىن توتەنشە جاعدايلارعا جەدەل ارەكەت ەتۋ جانە زارداپ شەككەن جانۋارلاردى ۆەتەرينارلىق كلينيكالارعا تاسىمالداۋ.
قىزمەتتىڭ ۇزدىكسىز جۇمىسىن قامتاماسىز ەتۋ ءۇشىن بارلىق قاجەتتى جابدىقپەن جاراقتالعان ەكى ارناۋلى بريگادا قۇرىلدى.
جەدەل ۆەتەرينارلىق كومەكتى قاجەت ەتەتىن نەگىزگى جاعدايلار مىنالار:
- جكو نەمەسە قۇلاۋ سالدارىنان بولعان اۋىر جاراقاتتار؛
- ۋلانۋ؛
- اسقىنۋلار مەن ينفەكسيالارعا اكەلۋى مۇمكىن جاراقاتتار مەن شاعۋلار؛
- جەدەل اۋرۋلار، ونىڭ ىشىندە كوللاپس، جۇرەك-قان تامىرلارى جەتىسپەۋشىلىگى، تىنىس الۋ بۇزىلىستارى.
ۆەتەرينارلىق كومەك قاراۋسىز قالعان يەسىز جانە بۇرالقى جانۋارلارعا كورسەتىلەدى. جانۋارلاردى تاسىمالداۋ ءۇشىن قاجەتتى قۇرالدارمەن جابدىقتالعان ەكى ارنايى جۇك كولىگى پايدالانىلادى. ولار ۇساق جانۋارلارعا ارنالعان تورلارمەن، زەمبىلدەرمەن، العاشقى مەديسينالىق دارى-دارمەكتەرمەن، تاڭۋ ماتەريالدارىمەن جانە دياگنوستيكالىق قۇرالدارمەن جابدىقتالعان.
جەدەل ۆەتەرينارلىق كومەك قىزمەتىنىڭ بايلانىس نومىرلەرى: 8 708 595 64 04، 338 27 59، الماتى قالاسىنىڭ ءبىرىڭعاي قىزمەتى – 109.
