Almatyda «Halyq qatysatyn biýdjet» jobasyna ótinim qabyldaý jalǵasyp otyr. Jobany «Almaty damý ortalyǵy» aktsionerlik qoǵamy qolǵa alǵan. Ótinimder 2025 jyly 30 qyrkúiekke deiin qabyldanady, dep habarlaidy Dalanews.kz
Búgingi tańda qala turǵyndarynan 1 606 usynys qabyldandy. Almatylyqtar aýmaqty kógaldandyrý, aýlalar men qoǵamdyq keńistikterdi abattandyrý, trotýarlar men aryqtardy jóndeý, balalar jáne sport alańdaryn ornatý, sondai-aq sanitarlyq tártipti jaqsartýǵa baǵyttalǵan bastamalar usynǵan.
Ótinimdi onlain rejimde budget.open-almaty.kz platformasy arqyly berýge bolady.
Ótinimde kórsetilýi qajet:
•jobanyń ataýy men qysqasha sipattamasy;
•nysannyń naqty mekenjaiy;
•foto nemese eskiz;
•shyǵynnyń aldyn ala smetasy.
Qatysý sharttary:
•bir adam - bir ótinim- bir nysan;
•nysan jalpyǵa ortaq jáne ótinish berýshiniń aýdanynda ornalasýǵa tiis;
•jobada eń kóp biýdjet - 294,9 mln teńge.
Ótinim qabyldaý aiaqtalǵannan keiin barlyq joba saraptamalyq keńester men aýdan ákimdikteriniń qaraýyna jiberiledi. Eń kóp daýys jinaǵan bastamalar 2026 jyly júzege asyrylady.
«Almaty damý ortalyǵy» aktsionerlik qoǵamy daýys berý barysy men qorytyndylary, sondai-aq, tańdalǵan jobalardyń júzege asyrylýy týraly turǵyndardy habardar etip otyrady.
Qosymsha suraq týyndasa turǵyndar aýdan ákimdikterine nemese Open Almaty Qoǵamdyq qabyldaýyna myna telefon arqyly habarlasa alady: 224 39 29 (ishki 203).
