Basqosý barysynda osy saladaǵy tanymal sarapshylar óz tájiribelerimen bólisip, jas volonterlermen pikir almasty.
Memleket basshysy Qasym-Jomart Toqaev atap ótkendei, «Muqtaj jandarǵa riiasyz kómek kórsetetin eriktiler – adamzat elitasy».
Mine, osyndai mándi maqsatty alǵa qoiǵan slettiń kózdegeni de volonterlerdiń bir-birimen emin-erkin pikir almasyp, el-jurttyń eriktilerge degen erekshe ynta-yqylasyn oiatý, qyzyǵýshylyǵyn arttyrý.
Qalamyzda kún saiyn bolatyn azamattyq mol meiirimnen týyndaityn qaiyrymdylyq sharalaryna eriktilerdiń qatysýyn dástúrge ainaldyrý – ýaqyt talaby.
Slet alǵa qoiǵan basty maqsat – volonterlerdiń bir-birimen tájiribe almasyp, halyqtyń volonterlikke degen qyzyǵýshylyǵyn arttyrý, olardyń kúndelikti qaiyrymdy isterge, igi sharalarǵa qatysýyn júieli túrde júzege asyrý.
Sol mándi maqsattyń biri oryndalǵandai. Tek, adamzatqa ortaq osyndai izgilikti ister tolastamasyn dep tileimiz.
Sondai sarapshylar qatarynda Perizat Qairatqyzy («BIZ BIRGEMIZ QAZAQSTAN» jalpyulttyq eriktiler qozǵalysy men qoǵamdyq qorynyń basshysy), Álibek Qairatuly («DAULETTEN» qaiyrymdylyq qorynyń atqarýshy direktory), Dilmira Blats («LIDER.KZ» iz-túzsiz joǵalǵan jandarǵa, olardyń týystary men jaqyndaryna kómek kórsetý jónindegi volonterlar qozǵalysynyń basshysy) pen Áli Jylqybai («KOBELEK BALALAR» qaiyrymdylyq qorynyń direktory) bolyp, óz kórgen-bilgen, túigenin ortaǵa salyp jatty. Álbette, tájiribe almasý degen osy.
«Qamqor» eriktiler uiymynyń múshesi Ásem Ǵaziz bizdiń basty qaǵidamyz: «Óz Otanyńa qamqor bol! deidi. «Maqsatymyz – meiirimdi istermen ainalysý. Biz meiirimdi ister marafonyna qatysamyz. Uzaq qashyqtyqqa júgirýshilerge de járdemimiz tidi. El-jurtty jaqsy isterdi nasihattaýǵa shaqyramyz. Mamandyǵyma sai, birtalai qaiyrymdylyq sharasynda bastapqy meditsinalyq járdem kórsettim. Mamandyǵymmen maqtanar tusym osy», -- deidi erikti, S.Asfendiiarov atyndaǵy meditsinalyq ýniversitettiń stýdenti Á. Ǵazez.
«Volonter bolǵanyma jyl jarym ýaqyt boldy. Osy ýaqyt ishinde kóptegen jobalarǵa qatystym. Bul shara shaharymyzdyń erikti jastaryn qoldaý maqsatynda uiymdastyrýǵa arnaldy. Búgin tanymal eriktiler sheberlik sabaqtaryn ótkizdi. Razy boldyq, -- deidi «Qamqor» qaiyrymdylyq qorynyń belsendi volonteri Zere Maqsuthan.
Aita keterligi, biyl shaharymyzdyń eriktileri elmen birge bar qiynshylyqty eńsere kele, Túrkiianyń zardap shekken tur¬ǵyndaryna – 50 tonna, sondai-aq Abai oblysynyń turǵyndaryna 5 tonna gýmanitarlyq kómek jinaǵan. Qosymsha demeýshiler tartylyp, jaǵdaiy tómen 10 myń otbasyǵa, 350 jetim balaǵa, 800-den astam qart kisige kómek kórsetti.
Sondai-aq, shara aiasynda estrada juldyzdary, shahar ánshileri ánnen shashý shashyp, kontserttik baǵdarlama uiymdastyrdy.
