Almaty qalasynda qańǵybas janýarlardyń sanyn izgilikti túrde retteý maqsatynda úi janýarlaryn tegin zararsyzdandyrý jáne pishtirý baǵdarlamasyn jalǵastyrý kózdelgen. Baǵdarlamany ótkizý kezeńi - 2025 jylǵy 1 sáýirden jyl sońyna deiin, dep habarlaidy Dalanews.kz
Baǵdarlamaǵa qatysýǵa derekter qorynda senimdi esepke alý úshin veterinariialyq pasporty men mikrochipy bar janýarlar jiberiledi. Mikrochipy men pasporty bolmaǵan jaǵdaida, olardy tómende atalǵan kez kelgen emhanadan qosymsha aqy tólep alýǵa bolady. Itter men mysyqtardy zararsyzdandyrýdyń jas shekteýi 7 aidan 9 jasqa deiin, tóbet itter men er mysyqtardy zararsyzdandyrýdyń jas shekteýi 6 aidan 9 jasqa deiin.
Úi janýarlaryn zararsyzdandyrý jáne pishtirý boiynsha qyzmet:
- tirkeý kitabyna janýar iesiniń alǵashqy shaǵymyn (anamnez jinaý, operatsiiaǵa jazylý) tirkeýdi;
- janýarlardy aldyn ala klinikalyq tekserýdi, operatsiiaǵa qarsy kórsetkishterdi (júktilik, ovýliatsiia, immýnitettiń tómendeýi, aldyn ala egýdiń bolmaýy) anyqtaýdy;
- janýardyń tiri salmaǵyn anyqtaýdy jáne narkoz mólsherin esepteýdi;
- aldyn ala emdeýdi;
- narkozǵa engizýdi;
- janýardy bekemdep bailaýdy;
- operatsiia jasaý ornyn daiyndaýdy;
- operatsiia jasaýdy;
- sapasy men qaýipsizdigin rastaityn qujattary bar sińiriletin tigis materialdaryn qoldanýdy;
- narkozdan shyǵarýdy;
- esepke alý kitabynda fizikalyq derekterdi tirkeýdi;
- janýardy kúndizgi statsionarǵa keminde 10 saǵat baqylaýǵa jatqyzýdy;
- operatsiiadan keiingi 3 kún ishinde operatsiia jasalynǵan janýardyń jaǵdaiyn baqylaýdy (telefon arqyly);
- yqtimal asqynýlardy boldyrmaý úshin operatsiiadan keiin 10-12 kún ótken soń tigisterdiń jaǵdaiyn baqylaýdy qamtidy.
Itter men mysyqtardy tegin zararsyzdandyrýǵa jáne pishtirýge arnalǵan veterinariialyq emhanalardyń mekenjaiy:
