Almaty qalalyq máslihatynyń VIII shaqyrylymynyń kezekten tys XXIX sessiiasynda depýtattar qala ákimi Erbolat Dosaevtyń Uly Otan soǵysynyń 80 jyldyǵyna orai ardagerlerge beriletin birjolǵy tólem mólsherin 5 million teńgege deiin ulǵaitý týraly bastamasyn qoldady,– dep habarlaidy Dalanews.kz
Bul áleýmettik qoldaý sharasy Uly Otan soǵysynyń ardagerlerine ǵana qatysty (UOS qatysýshylardyń, múgedekterdiń).
Sondai-aq, depýtattar Erbolat Dosaevtyń tyl eńbekkerlerine beriletin tólemdi 100 myń teńgege deiin arttyrý týraly usynysyn maquldady.
«Almaty qalasynyń ákimi Erbolat Dosaevtyń tapsyrmasyna sáikes, Uly Otan soǵysyndaǵy Jeńistiń 80 jyldyǵynda birjolǵy áleýmettik kómektiń mólsheri arttyrylady: 21 UOS ardagerine – 1 millionnan 5 million teńgege deiin, 6 149 tyl eńbekkerine – 50 myńnan 100 myń teńgege deiin», – dep túsindirdi Almaty qalasy Jumyspen qamtý jáne áleýmettik baǵdarlamalar basqarmasynyń basshysy Baýrjan Jaýbasov.
Sheshimdi barlyq depýtattar biraýyzdan qoldady.
Tólemdi qalanyń aýdan ákimdikteri «Azamattarǵa arnalǵan úkimet» memlekettik korporatsiiasy» KEAQ-nyń Almaty qalasy boiynsha ekinshi deńgeidegi bankterdegi shottaryna bergen tizimderine sáikes ótinishti talap etpei aýdarady.
Aita keteiik, búginde Almatyda Uly Otan soǵysynyń 21 ardageri men 6149 tyl eńbekkeri turady.
