6 shildede Almatyda Ulttyq dombyra kúnine arnalǵan merekelik konsert ótedi. Sahnada estrada juldyzdary, tanymal dombyrashylar jáne dástúrli ánshiler óner kórsetedi. Konsert Abaı alańynda, Respýblıka saraıynyń aldynda uıymdastyrylady,- dep habarlaıdy Dalanews.kz
Merekelik baǵdarlamaǵa Qazaqstannyń halyq artısi Roza Rymbaeva, Qazaqstannyń halyq artısi Aıgúl Úlkenbaeva, Qazaqstannyń halyq artısi Aıgúl Qosanova, Qazaqstannyń halyq artısi Ramazan Stamǵazıev, Qazaqstannyń eńbek sińirgen qaıratkeri, «MýzART» tobynyń múshesi Meırambek Besbaev, Qazaqstannyń eńbek sińirgen qaıratkeri, dombyrashy-vırtýoz Asylbek Eńsepov, sondaı-aq, tanymal ánshi Móldir Áýelbekova, «Qońyr» jáne «Ulytau» toptary, «Sazgen sazy» fólklorly-etnografıalyq ansambli, «Alataý» dástúrli óner teatrynyń artıseri qatysady.
Qala turǵyndary men qonaqtaryna 17:00 men 21:00 aralyǵynda el súıip tyńdaıtyn kúıler men termeler, halyq ánderi men elimizdiń baı rýhanı murasyn dáripteıtin shyǵarmalar usynylady. Bul konsert ulttyq mýzyka men dástúrli ónerge degen tereń qurmettiń aıqyn kórinisine aınalmaq. Kirý tegin.
Aıta keteıik, Ulttyq dombyra kúni jyl saıyn shildeniń alǵashqy jeksenbisinde atalyp ótedi.
