Uly Otan soǵysyndaǵy Jeńistiń 80 jyldyǵyna orai Almatydaǵy 28 gvardiiashy-panfilovshylar atyndaǵy saiabaqta negizgi merekelik is-sharalar ótti. Osy jerde qala ákimi Erbolat Dosaevtyń qatysýymen Máńgilik alaýǵa gúl qoiý rásimi uiymdastyryldy,- dep habarlaidy Dalanews.kz
Jinalǵandar soǵysta qaza tapqan qazaqstandyq jaýyngerlerdi bir minýt únsizdikpen eske aldy. Odan keiin qala ákimi, Uly Otan soǵysynyń ardagerleri, tyl eńbekkerleri men olardyń týystary, áskeriler, quqyq qorǵaý organdarynyń ókilderi, qoǵam qairatkerleri jáne qala turǵyndary Dańq memorialyna gúl shoqtaryn qoidy.
Erbolat Dosaev maidangerlerdi merekemen quttyqtap, shaiqas alańdarynda da, eńbek maidanynda da kórsetken erligi úshin alǵys bildirdi.
Sondai-aq, zor densaýlyq, baqyt pen amandyq tiledi. Ardagerler men olardyń jaqyndary qala basshylyǵyna kórsetken qurmeti úshin alǵys aityp, almatylyqtarǵa jáne búkil qazaqstandyqtarǵa beibit ómir men jaqsylyq tiledi. Olar estelikterimen bólisip, óleń oqyp, áskeri ánder oryndady.
Máńgilik alaýǵa gúl shoqtaryn qoiǵannan keiin Almaty ákimi Erbolat Dosaev soǵys ardagerleri jáne olardyń týystarymen birge Otan soǵysy ardagerleri alleiasymen júrip ótti. Maidangerlermen beiresmi áńgime barysynda Erbolat Dosaev olardyń erligine shyn júrekten alǵys aityp, árqaisysy el rýhynyń, Otanǵa degen adaldyq pen erliktiń tiri beinesi ekenin, búkil eldiń maqtanyshy ekenin atap ótti.
28 gvardiiashy-panfilovshylar saiabaǵynda qala turǵyndary men qonaqtary úshin dala ashanasy uiymdastyrylyp, qazaqstandyq artister soǵys kezindegi jáne soǵystan keiingi jyldaǵy ánderdi oryndaǵan merekelik kontsert ótti.
Jeńis kúni Almatyda B.Momyshuly, T.Bigeldinov, S.Nurmaǵambetov, S.Lýganskii, A.Sháripov eskertkishterine, sondai-aq, «Otan uldaryna máńgilik taǵzym», «Belgisiz jaýyngerdiń molasy», «Otan úshin shaiqasta qaza tapqan batyrlarǵa máńgilik dańq» memorialdaryna gúl shoqtaryn qoiý rásimderi de uiymdastyryldy.
Soǵys jyldary maidanǵa 1,2 million qazaqstandyq attanǵan. Qazaqstannan 100 myńnan astam jaýynger orden-medaldarmen marapattalsa, 500-den asa adamǵa Keńes Odaǵynyń Batyry ataǵy berilgen.
Búginde Almatyda Uly Otan soǵysynyń 21 ardageri turady. Jeńistiń 80 jyldyǵy qarsańynda qalanyń barlyq 8 aýdanynda ardagerler alleiasy ashyldy. 28 gvardiiashy-panfilovshylar saiabaǵynda biiktigi 6 metr bolatyn 29 ataýly jóke aǵashy otyrǵyzyldy. Jalpy alleialarda 200 jóke aǵashy egildi.
Búgin, Jeńistiń 80 jyldyǵyna orai, Almatyda aýqymdy merekelik is-sharalar ótedi. 28 gvardiiashy-panfilovshylar saiabaǵyndaǵy basty sahnada kontserttik baǵdarlama saǵat 21:00-ge deiin jalǵasady.
Saǵat 19:00-de Kóktóbe telemunarasynda Uly Otan soǵysynda erlik kórsetken qazaqstandyq batyrlardyń esimi jazylǵan mýltimediialyq quttyqtaý kórsetiledi. Bul qazaq batyrlaryna degen qurmettiń belgisi.
Saǵat 21:00-de Abai alańynda 500-den astam dron qatysatyn erekshe jaryq shoýy bolady.
Ashyq aspan astynda Jeńis ánderi 10 jáne 11 mamyr kúnderi de 28 gvardiiashy-panfilovshylar saiabaǵynda shyrqalady.
