Almatyda úlesker tartýǵa ruqsaty bar turǵyn úi keshenderiniń tizimi jariialandy, dep habarlaidy Dalanews.kz.
Sáýlet jáne qala qurylysy basqarmasynyń jáne "QTK" AQ turǵyn úi portalynyń derekteri boiynsha qala aýmaǵyndaǵy 28 turǵyn úi qurylysy nysanyna úleskerlerdiń qarajatyn tartýǵa ruqsat berilgen.
2025 jyly maýsymda "Turǵyn úi qurylysyna úlestik qatysý týraly" QR zańyna ózgerister engizildi. Zań boiynsha myna jaǵdaida kóppáterli jáne jeke turǵyn úilerdi jarnamalaýǵa tikelei tyiym salynady:
- qurylys salýshyda úleskerlerdiń qarajatyn tartýǵa ruqsaty joq bolsa;
- biregei operatordyń kepildik sharty jasalmasa;
- bank arqyly jobalyq qarjylandyrý júzege aspasa.
Sondai-aq, buǵan deiin jobalyq-smetalyq qujattamanyń negizinde jarnama ornalastyrýǵa múmkindik bergen norma alyp tastaldy.
Budan bólek, zańnamaǵa "jeke turǵyn úiler kesheni" degen jańa uǵym engizildi. Endi mundai nysandar da "Turǵyn úi qurylysyna úlestik qatysý týraly" zań talaptaryna baǵynady.
Úleskerlerdiń qarajatyn tartýǵa ruqsat pen ózge de qujattary bar-joǵyn tekserý úshin azamattar myna jerlerge júgine alady:
- Qurylysqa qatysty ruqsat qujattary boiynsha – Qala qurylysyn baqylaý basqarmasynyń anyqtamalyq Call-ortalyǵy: +7 (705) 896-6000
- Úleskerlerdiń qarajatyn tartýǵa ruqsat boiynsha – Sáýlet jáne qala qurylysy basqarmasy: +7 (727) 2408000
- "QTK" AQ turǵyn úi portaly – homeportal.kz
