24 mamyrda Almaty Servistik qyzmet kórsetý kolledjinde Túrik ashanasynyń kúnderi aiasynda Ege aimaǵyna arnalǵan degýstatsiia ótti. Sharaǵa Almaty qalasynyń Túrkiiadaǵy bas konsýly qatysty.
Túrkiia Respýblikasynyń Prezidenti Rejep Taiyp Erdoǵannyń jary Emine hanymnyń bastamasymen 21-27 mamyr aralyǵynda Túrik ashanasynyń kúnderin jyl saiyn halyqaralyq deńgeide atap ótý úrdiske ainalǵan. Bastama “Sifir atik” iaǵni “ysyrapsyz ómir” degen ideiamen júzege asady.
Túrkiia Respýblikasynyń Almaty baa Konsýly Evren Múdderisoǵlu: Bizdiń eldiń ashanasynyń ár aimaq, ár oblysqa sai erekshelikteri men ózindik qaǵidalary bar. Qazir Túrkiianyń aldyńǵy qatarly meiramhanalary men qonaq úilerinde túrik ashanasynyń kúnderine orai keń dastarhan jaiylyp jatyr. Is-sharamyzdyń birinshi kúniniń Túrkiiadaǵydan kem ótpeýine yqpal etir otyrǵan Chilen hanym men Seher ustazdarymyzǵa alǵysymyz sheksiz”.
Qonaqtarǵa usynylǵan tamaqtardyń barlyǵy Almaty Servistik qyzmet kórsetý kolledji stýdentterine akademiialyq utqyrlyq boiynsha 2 ai boiy tálim bergen túrkiialyq aspazdardyń qolynan shyqqan.
Erulan Qaraǵulov, Almaty Servistik qyzmet kórsetý kolledjiniń direktory: “ Týrizm salasyndaǵy qyzmet kórsteý sapasy jóninen álemdik aldyńǵy qatarly elderdiń biri – Túrkiia. Bizdiń stýdentterimiz Antaliianyń qonaq úilerine taǵylymdamadan ótip júr. Osy oraida, Almaty qalasyndaǵy Túrkiia bas konsýldyǵynan til máselesi jóninen kómek kórsetýin suradyq. Stýdentterimiz sáýirdiń basynan bastap túrik ashanasynyń qyr-syryn meńgerip qoimai, baýyrlas halyqtyń tilin de úirený ústinde. Búgingi shara taǵylymdamadan ótken stýdentterimiz ben arnaiy Túrkiiadan kelgen ustazdarymyzdyń ortaq jemisi”.
Shattyq SÁDÝAQAS
www.tga.gov.tr
www.goturkiye.com
