24 مامىردا الماتى سەرۆيستىك قىزمەت كورسەتۋ كوللەدجىندە تۇرىك اسحاناسىنىڭ كۇندەرى اياسىندا ەگە ايماعىنا ارنالعان دەگۋستاسيا ءوتتى. شاراعا الماتى قالاسىنىڭ تۇركياداعى باس كونسۋلى قاتىستى.
تۇركيا رەسپۋبليكاسىنىڭ پرەزيدەنتى رەجەپ تايىپ ەردوعاننىڭ جارى ەمينە حانىمنىڭ باستاماسىمەن 21-27 مامىر ارالىعىندا تۇرىك اسحاناسىنىڭ كۇندەرىن جىل سايىن حالىقارالىق دەڭگەيدە اتاپ ءوتۋ ۇردىسكە اينالعان. باستاما “Sıfır atık” ياعني “ىسىراپسىز ءومىر” دەگەن يدەيامەن جۇزەگە اسادى.
تۇركيا رەسپۋبليكاسىنىڭ الماتى باا كونسۋلى ەۆرەن مۇددەريسوعلۇ: ءبىزدىڭ ەلدىڭ اسحاناسىنىڭ ءار ايماق، ءار وبلىسقا ساي ەرەكشەلىكتەرى مەن وزىندىك قاعيدالارى بار. ءقازىر تۇركيانىڭ الدىڭعى قاتارلى مەيرامحانالارى مەن قوناق ۇيلەرىندە تۇرىك اسحاناسىنىڭ كۇندەرىنە وراي كەڭ داستارحان جايىلىپ جاتىر. ءىس-شارامىزدىڭ ءبىرىنشى كۇنىنىڭ تۇركياداعىدان كەم وتپەۋىنە ىقپال ەتىر وتىرعان چيلەن حانىم مەن سەحەر ۇستازدارىمىزعا العىسىمىز شەكسىز”.
قوناقتارعا ۇسىنىلعان تاماقتاردىڭ بارلىعى الماتى سەرۆيستىك قىزمەت كورسەتۋ كوللەدجى ستۋدەنتتەرىنە اكادەميالىق ۇتقىرلىق بويىنشا 2 اي بويى ءتالىم بەرگەن تۇركيالىق اسپازداردىڭ قولىنان شىققان.
ەرۇلان قاراعۇلوۆ، الماتى سەرۆيستىك قىزمەت كورسەتۋ كوللەدجىنىڭ ديرەكتورى: “ تۋريزم سالاسىنداعى قىزمەت كورستەۋ ساپاسى جونىنەن الەمدىك الدىڭعى قاتارلى ەلدەردىڭ ءبىرى – تۇركيا. ءبىزدىڭ ستۋدەنتتەرىمىز انتاليانىڭ قوناق ۇيلەرىنە تاعىلىمدامادان ءوتىپ ءجۇر. وسى ورايدا، الماتى قالاسىنداعى تۇركيا باس كونسۋلدىعىنان ءتىل ماسەلەسى جونىنەن كومەك كورسەتۋىن سۇرادىق. ستۋدەنتتەرىمىز ءساۋىردىڭ باسىنان باستاپ تۇرىك اسحاناسىنىڭ قىر-سىرىن مەڭگەرىپ قويماي، باۋىرلاس حالىقتىڭ ءتىلىن دە ۇيرەنۋ ۇستىندە. بۇگىنگى شارا تاعىلىمدامادان وتكەن ستۋدەنتتەرىمىز بەن ارنايى تۇركيادان كەلگەن ۇستازدارىمىزدىڭ ورتاق جەمىسى”.

شاتتىق ءسادۋاقاس

www.tga.gov.tr
www.goturkiye.com