Almatydaǵy Naýryzbaı batyr kóshesi, 41 mekenjaıda ornalasqan turǵyn úıdiń janyna zańsyz salynǵan eki qosymsha nysan sot sheshimimen súrilip jatyr,- dep habarlaıdy Dalanews.kz
Buǵan deıin turǵynnyń ótinishi boıynsha jospardan tys tekserý júrgizilip, nátıjesinde turǵyn úıdiń eki jaǵynan da qosymsha qurylystardyń zańsyz salynǵany ári jalpy paıdalanylatyn aýmaqta ruqsat qujattarynyń bolmaǵany anyqtalǵan.
Menshik ıesine (jeke tulǵaǵa) qatysty ákimshilik sharalar qabyldandy. Keıin Almaty qalasynyń ákimshilik quqyq buzýshylyqtar jónindegi mamandandyrylǵan aýdanaralyq sotynyń qaýlysymen menshik ıesi kináli dep tanylyp, oǵan ákimshilik aıyppul salyndy jáne zańsyz salynǵan qosalqy nysandar májbúrli túrde buzylatyn boldy.
Almaty qalalyq sotynyń 2024 jylǵy 16 shildedegi qaýlysymen birinshi satydaǵy sheshim ózgerissiz qaldy.
Menshik ıesi qosalqy nysannyń bireýin óz erkimen buzdy, al ekinshi qosymsha qurylysty májbúrli túrde súrý búgin, sot sheshimine sáıkes, sot oryndaýshylarynyń qatysýymen júrip jatyr.
