Almatyda túngi otshashýdyń arty qaiǵyly jaǵdaiǵa ulasa jazdady, dep habarlaidy Dalanews.kz.
Áleýmettik jelide Mahatma Gandi atyndaǵy saiabaqta bolǵan oqiǵanyń videosy tarady. Kýágerlerdiń aitýynsha, birneshe er adam saiabaq ishinde otshashý atyp, bul demalyp júrgen adamdarǵa qaýip tóndirgen.
Oqiǵa 27 sáýirde keshki saǵat 21:30 shamasynda bolǵan. Jelidegi málimetke súiensek, mas kúide bolǵan er adamdar otshashýdy saiabaqtyń dál ortasynda iske qosqan.
Bir sátte pirotehnika salynǵan qorap aýdarylyp ketip, otshashý adamdarǵa qarai shashyraǵan.
Almaty Politsiia departamenti qoǵamdyq orynda pirotehnikalyq buiymdardy qoldaný deregi boiynsha Almaly aýdandyq politsiia basqarmasy tekseris júrgizip jatqanyn málimdedi.
Qazir oqiǵaǵa qatysy bar adamdar men barlyq mán-jaiy anyqtalyp jatyr. Tekseris qorytyndysy boiynsha olardyń áreketine quqyqtyq baǵa beriledi.
