Almatyda tún ishinde jantúrshigerlik qaraqshylyq qylmys jasalǵan. İİM pikir bildirdi, dep habarlaıdy Dalanews.kz.

Saǵat túngi eki shamasynda belgisiz eki adam erli-zaıyptynyń úıine zańsyz kirip, kúsh qoldanyp, aqsha men baǵaly zattardy talap etken. Olar azdaǵan qarjy men altyn áshekeılerdi ıemdenip, úı ıesine aýyr dene jaraqattaryn salǵan. Jaraqat alǵan azamat dereý aýrýhanaǵa jetkizilgen, qazir jaǵdaıy aýyr.

Polısıa qyzmetkerleri jedel izdestirý is-sharalaryn júrgizip, kúdiktilerdi ustaǵan. Tergeý barysynda olardyń buryn da qylmystyq jaýapkershilikke tartylǵany belgili boldy.

"Kúdiktiler qamaýǵa alyndy. Kináliler zań aıasynda jazasyn alady. Kúsh qoldaný arqyly jasalǵan qaraqshylyq úshin óte qatań jaza kózdelgenin eskertemin", - dedi Jetisý aýdandyq polısıa basqarmasynyń bastyǵy Jánibek Shynasylov.