الماتىدا ءتۇن ىشىندە جانتۇرشىگەرلىك قاراقشىلىق قىلمىس جاسالعان. ءىىم پىكىر ءبىلدىردى، دەپ حابارلايدى Dalanews.kz.
ساعات تۇنگى ەكى شاماسىندا بەلگىسىز ەكى ادام ەرلى-زايىپتىنىڭ ۇيىنە زاڭسىز كىرىپ، كۇش قولدانىپ، اقشا مەن باعالى زاتتاردى تالاپ ەتكەن. ولار ازداعان قارجى مەن التىن اشەكەيلەردى يەمدەنىپ، ءۇي يەسىنە اۋىر دەنە جاراقاتتارىن سالعان. جاراقات العان ازامات دەرەۋ اۋرۋحاناعا جەتكىزىلگەن، ءقازىر جاعدايى اۋىر.
پوليسيا قىزمەتكەرلەرى جەدەل ىزدەستىرۋ ءىس-شارالارىن جۇرگىزىپ، كۇدىكتىلەردى ۇستاعان. تەرگەۋ بارىسىندا ولاردىڭ بۇرىن دا قىلمىستىق جاۋاپكەرشىلىككە تارتىلعانى بەلگىلى بولدى.
"كۇدىكتىلەر قاماۋعا الىندى. كىنالىلەر زاڭ اياسىندا جازاسىن الادى. كۇش قولدانۋ ارقىلى جاسالعان قاراقشىلىق ءۇشىن وتە قاتاڭ جازا كوزدەلگەنىن ەسكەرتەمىن"، - دەدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسىلوۆ.
