Almatyda 14 naýryzda saǵat 15:30-dan 15 naýryz saǵat 5:00-ke deiin qalyńdyǵy 15 santimetr qar jaýdy. Saldarynan bir táýlikte birneshe jol apaty tirkelgen, - dep habarlaidy Dalanews.kz.
Aýa raiy nasharlaýyna bailanysty almatylyq tártip saqshylary jol qozǵalysyna qatysýshylardy qaýipsizdik sharalaryn kúsheitýge shaqyrdy.
"Keiingi táýlikte qalada barlyǵy 22 jol-kólik oqiǵasy tirkeldi. Qaza tapqandar joq.
Tolassyz jaýǵan qar qaladaǵy jol jaǵdaiyn aitarlyqtai qiyndatqany anyq: keptelis paida bolyp, kólikterdiń jolda júrýi qiyndady. Biraq tájiribe kórsetkendei, kóbine bul qubylystar jol qozǵalysyna qatysýshylardyń nashar tártibinen týyndaidy: keibir júrgizýshiler jyldamdyqty tómendetpeidi, jol apatyn, qaýipti manevrler jasaidy, bir-birine qurmet kórsetpeidi, jaiaý júrginshiler durys emes jerden joldan ótedi. Osy faktorlar jalpy jol jaǵdaiyna keri áser etedi", – dedi Almaty qalalyq PD jergilikti politsiia qyzmeti basqarmasynyń bastyǵy Serik Shýmaev.
"Qazgidromet" RMK boljamynsha, búgin kúndiz aýa temperatýrasy 0-… +2 gradýs aralyǵynda bolady, jaýyn-shashyn jaýmaidy.
