الماتىدا 14 ناۋرىزدا ساعات 15:30-دان 15 ناۋرىز ساعات 5:00-كە دەيىن قالىڭدىعى 15 سانتيمەتر قار جاۋدى. سالدارىنان ءبىر تاۋلىكتە بىرنەشە جول اپاتى تىركەلگەن، - دەپ حابارلايدى Dalanews.kz.

اۋا رايى ناشارلاۋىنا بايلانىستى الماتىلىق ءتارتىپ ساقشىلارى جول قوزعالىسىنا قاتىسۋشىلاردى قاۋىپسىزدىك شارالارىن كۇشەيتۋگە شاقىردى.

"كەيىنگى تاۋلىكتە قالادا بارلىعى 22 جول-كولىك وقيعاسى تىركەلدى. قازا تاپقاندار جوق.

تولاسسىز جاۋعان قار قالاداعى جول جاعدايىن ايتارلىقتاي قيىنداتقانى انىق: كەپتەلىس پايدا بولىپ، كولىكتەردىڭ جولدا ءجۇرۋى قيىندادى. ءبىراق تاجىريبە كورسەتكەندەي، كوبىنە بۇل قۇبىلىستار جول قوزعالىسىنا قاتىسۋشىلاردىڭ ناشار تارتىبىنەن تۋىندايدى: كەيبىر جۇرگىزۋشىلەر جىلدامدىقتى تومەندەتپەيدى، جول اپاتىن، ءقاۋىپتى مانيەۆرلەر جاسايدى، بىر-بىرىنە قۇرمەت كورسەتپەيدى، جاياۋ جۇرگىنشىلەر دۇرىس ەمەس جەردەن جولدان وتەدى. وسى فاكتورلار جالپى جول جاعدايىنا كەرى اسەر ەتەدى"، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى سەرىك شۋمايەۆ. 

"قازگيدرومەت" رمك بولجامىنشا، بۇگىن كۇندىز اۋا تەمپەراتۋراسى 0-… +2 گرادۋس ارالىعىندا بولادى، جاۋىن-شاشىن جاۋمايدى.