Almaty qalasynyń ákimi Darhan Satybaldy jumys sapary aiasynda qalanyń kommýnaldyq avtobýs jáne trolleibýs parkterin aralap, olardyń tehnikalyq jaǵdaiy men qoǵamdyq kóliktiń qyzmet kórsetý sapasyn tekserdi,- dep habarlaidy Dalanews.kz
Atap aitqanda, qala basshysy Almaly aýdanynda ornalasqan, jalpy aýdany 4,2 gektar bolatyn trolleibýs parkine bardy. Qazirgi tańda munda 212 jańa trolleibýs qyzmet kórsetedi. Trolleibýs baǵyttary boiynsha jolaýshylar sany kúnine shamamen 130 myń adam.
«Almatyelektrotrans» kommýnaldyq kásiporny qazirgi ýaqytta kabeldik jáne kontaktilik jelilerdi, sondai-aq transformatorlyq qosalqy stantsiialardy jańartý jumystaryn jalǵastyrýda. Alaida, park infraqurylymy da jańartýdy qajet etedi. Jóndeý aimaǵy, qoimalar men dispetcherlik ǵimarattar 1960 jyldary salynǵan jáne osy ýaqytqa deiin kúrdeli jóndeýden ótpegen.
Osyǵan bailanysty, qala ákimi kásiporyn basshysy Aleksandr Beisembievke Almatydaǵy jalǵyz trolleibýs parkiniń jobalyq-smetalyq qujattamasyn ázirleýdi tapsyrdy.
Sapar barysynda Darhan Satybaldy sondai-aq, Túrksib aýdanynda ornalasqan №1 jáne №2 avtobýs parkteriniń jumysymen tanysty. Bul parkterde júrgizýshilerge arnalǵan jataqhanalar, kólik jýý keshenderi jáne basqa da infraqurylymdyq nysandar ornalasqan.
№1 avtobýs parkinde qazirgi tańda 300 gazben júretin avtobýs qyzmet kórsetýde. Kelesi jyldyń sońyna deiin bul parkte jańa jýý keshenin salý, injenerlik jelilerdi tolyq jańartý, sondai-aq jeke investitsiialar esebinen jańa gaz quiý stantsiiasyn (AGNKS) iske qosý josparlanyp otyr.
№2 parkinde 320 avtobýs tirkelgen. Biyl bul jerde gaz quiý stantsiiasy men júrgizýshiler jataqhanasyna jóndeý jumystary júrgizilmek.
Jalpy, «Almatyelektrotrans» kásiporny 5 avtobýs parkine, 1 trolleibýs parkine jáne mektep avtobýstary parkine ielik etedi. Qazirgi tańda Almaty qalasynda 2 435 birlik qoǵamdyq kólik bar.
Búginde avtobýstarǵa janarmai quiý infraqurylymyn damytý — ózekti másele. Qala aýmaǵynda 8 gaz quiý stantsiiasy jumys isteidi, alaida olardyń keibiri jańǵyrtýdy qajet etedi. Sonymen qatar, jańa kólik quraldarynyń satyp alynýyna bailanysty qosymsha avtoparkter salý qajettiligi týyndap otyr.
«Avtobýs marshrýttaryn avtoparkterge durys bólý kerek. Iaǵni, kólik óz baǵytyna alys jerden bos júrip barmaýǵa tiis. Sondai-aq, biz qalanyń batys jáne shyǵys bólikterinde, ásirese Naýryzbai aýdanynda, bolashaq politsentrler aiasynda avtoparkterge arnalǵan jer telimderin aldyn ala qarastyrýymyz qajet», – dedi qala ákimi Darhan Satybaldy.
Sapar qorytyndysy boiynsha, qala basshysy Qalalyq josparlaý basqarmasyna jańa avtoparkter úshin jer telimderin anyqtaýdy, al quzyrly basqarmalarǵa — jobalyq-smetalyq qujattamany jedel túrde ázirleýdi tapsyrdy.
Sonymen qatar, salalyq basqarmalarǵa qoldanystaǵy gaz quiý stantsiialaryn jańartý jáne jańalaryn salý úshin jeke investorlardy tartý máselesin qarastyrý tapsyryldy.
