Almaty qalasynyń Reviziialyq komissiiasy bilim basqarmasy men jumyspen qamtý jáne áleýmettik baǵdarlamalar basqarmasyna júrgizgen tekseris nátijesinde 26,9 mlrd teńge kólemindegi qarjynyń artyq jumsalýy men túrli qarjylyq zańbuzýshylyqtar anyqtaldy, dep habarlaidy Dalanews.kz.
Pisma Prezidentý telegram arnasy taratqan aqparatqa sáikes, munsha kólemdegi qarjynyń tolyq qaitarylýy ekitalai.
“Al birneshe basshyǵa tek sógis túrindegi jaza qoldaný usynylǵan”, - dep jazdy derekkóz.
Qujatqa sáikes, aýdit Almaty qalasyndaǵy biýdjettik qarajattyń eńbekaqy tóleýge jáne mektepke deiingi uiymdardy tamaqtandyrýdy qamtamasyz etýge jumsalý tiimdiligin baǵalaýǵa baǵyttalǵan. Tekserý 2021–2024 jyldar aralyǵyn qamtyǵan.
Aýdit barysynda qalanyń bilim berý salasyndaǵy 199 memlekettik balabaqsha, sondai-aq, áleýmettik qyzmet kórsetý ortalyqtary qamtyldy. Memlekettik aýditke ondaǵan balabaqsha jáne taǵy basqa 40-tan astam uiym kirgen.
Qorytyndyda Almatyda mektepke deiingi bilim berý júiesine júktemeniń artqany, kadr tapshylyǵy jáne balabaqsha oryndaryna degen suranystyń óskeni aitylady.
