Almatyda sot sheshimimen «Taýly Qyrat» ÓK 2767 jáne 2768 ýchaskede qurylysy aiaqtalmaǵan eki úi buzyldy,- dep habarlaidy Dalanews.kz Almaty qalasynyń Qala qurylysyn baqylaý basqarmasyna silteme jasap.
Jeke menshik iesi (jeke tulǵa) ruqsatsyz taý bókterinde úi salǵan. Sonymen qatar, qurylys jumystary kezinde atalǵan aýmaqtarǵa jol salý úshin taý bókteriniń etegi kesilip, ekojúiege zalal keltirilgen.
Basqarma jer ýchaskelerin bastapqy qalpyna keltirý týraly nusqama berip, menshik iesine qatysty ákimshilik sharalar qabyldady.
Alaida nusqamada kórsetilgen talaptar oryndalmaǵandyqtan, basqarma sotqa májbúrlep buzý týraly talap-aryz bergen.
2024 jyly 17 qazanda Medeý aýdandyq soty talap-aryzdy qanaǵattandyryp, sot qaýlysy Almaty qalasynyń ádilet departamentine oryndaýǵa jiberilgen.
Sot sheshimin oryndaý maqsatynda jýyrda menshik iesi zańsyz nysandardy ózi buzyp tastady.
