Almaty qalasynda qalalyq stýdenttik kóktem «Jas Gala - 2025» shyǵarmashylyq festivaliniń ashylý saltanaty ótti. Dástúrli sharaǵa Almaty qalasynyń JOO jáne kolledj stýdentteri qatysty,- dep habarlaidy Dalanews.kz
Tórtinshi jyl qatarynan ótkizilip otyrǵan aitýly shara Almaty qalasy Jastar saiasaty basqarmasynyń qoldaýymen, «Almaty stýdentter Aliansy» KQ uiymdastyrýymen júzege júzege asyrylýda.
Baiqaýdyń maqsaty – shyǵarmashyl, daryndy jáne talantty jastardy anyqtaý jáne olardyń kásibi ósýine qoldaý kórsetý, adamgershilik qundylyqtardy, joǵary estetikalyq jáne intellektýaldyq talǵamyn qalyptastyrý.
Festivalge qalamyzdyń 30 JOO jáne 26 kolledjinen 650 ótinim kelip tústi. Jalpy qatysýshylar sany 2500-nan astam stýdentti qurady.
Biylǵy «JAS GALA» stýdenttik kóktem shyǵarmashylyq baiqaýy kelesi ataýly datalarǵa arnalady: Jumysshylar jastar jyly, Uly Jeńistyń 80 jyldyǵy, Qazaqstan halqy assambleiasynyń 30 jyldyǵy, N.Tilendievtyń 100 jyldyǵy, Sh.Qaldaiaqovtyń 95 jyldyǵy.
Bir aiǵa sozylatyn festival barysynda qatysýshylar vokal, horeografiia, mobilografiia, aspapyq oryndaý, teatr baǵyttary boiynsha baqtaryn synaidy. Festival aiasynda qatysýshylarǵa óner maitalmandarynyń qatysýymen master-klasstar men motivatsiialyq kezdesýler uiymdastyrylady. Festivaldiń júlde qory – 7 500 000 teńgeni quraidy.
Sharany Almaty qalasy Jastar saiasaty basqarma basshysynyń orynbasarynyń ýaqytsha mindetin atqarýshy, Bekqaiyrov Nursultan Bolatuly ashyp, qatysýshylarǵa óziniń izgi tilegin bildirdi.
«Qurmetti dostar Almaty qalasy jastar saiasaty basqarmasy jastardyń jan jaqty damýyna túrli, júieli jobalardy uiymdastyrýǵa árqashan daiyn. Qurmetti dostar sizderge osy jobada, osy saiysta tek úlken jeńister tileimiz. Biz Almaty Stýdentter Aliansyna óz basqarma atymyzdan, jáne óz atymnan úlken alǵys bildirgim keledi. Kelesi jyly jobanyń júlde qoryn kóbeitýdi josparlap otyrmyz. Búgingi ashylý saltanaty barshańyzǵa qutty bolsyn, naǵyz kórkem ónerpazdar jeńiske jetsin!», - dedi Nursultan Bolatuly.
«Almaty stýdentter Aliansy» KQ tóraǵasy Jasulan Bostandyquly kelgen qatysýshylarǵa óz alǵysyn bildirdi.
«Jastardyń bul jobaǵa degen qyzyǵýshylyǵy jyldan jylǵa artyp keledi. Barsha qatysyp jatyrǵan jáne bizge qoldaý bildirgen JOO men kolledj bashylyǵyna shyn júrekten alǵysymyzdy bildiremiz! Buiyrsa aldaǵy 1 ai kóleminde JOO jáne kolledjder bazasynda irikteý kezeńi, qalalyq deńgeide jartylai final jáne finaldyq kezeńdi ótkizemiz. Tek qana júzden júirik, myńnan tulpar jeńiske jetsin! Barsha qatysýshylarǵa sáttilik!», - dedi Jasulan Bostandyquly.
Búginde Almaty qalasynda 14 pen 35 jas aralyǵyndaǵy 695 myńnan astam jas turady (turǵyndardyń jalpy sanynyń 32%). Onyń ishinde 35 JOO jáne 88 kolledjde 286 myńnan astam stýdent bilim alýda.
