Almatynyń Naýryzbai aýdanynda Belsendi uzaq ómir súrýdiń eki jańa ortalyǵy resmi túrde ashylyp, aýdannyń qart turǵyndary úshin jaily jaǵdai jasalyp keledi. Buǵan deiin jumys istep kele jatqan úsh ortalyq aýdandaǵy qart adamdadyń belsendi, salaýatty jáne dástúrli ómir saltyn ustanýlaryna septigin tigizip otyr. Bul týraly Naýryzbai aýdanynyń ákimdigi málimdedi, dep habarlaidy Dalanews.kz.
Sońǵy jyldary Naýryzbai aýdanynda zeinetkerler sany 2014 jylmen salystyrǵanda 2,8 esege ósti. Búginde aýdandaǵy qart adamdar sany 15,2 myńnan asady. Belsendi uzaq ómir súrý ortalyqtary aǵa býynnyń rýhani jáne mádeni tanymyna yqpal etip, áleýmettik qoldaý kórsetip otyr.
Jańa ortalyqtardyń biri Shuǵyla shaǵynaýdanynda ornalasqan (340/35, 13-shi korpýs). Ortalyqta arnaiy jasalǵan baǵdarlama boiynsha qart adamdar psihologiialyq jáne túrli dáristen ótedi. Egde jandar skandinaviialyq serýendeýge birge shyǵady, horeografiiaǵa, túrli treningterge qatysady. Tildik kýrstar, ústel tennisi, dombyra, toǵyzqumalaq sabaqtary bar. Árkim qalaýy boiynsha túrli sabaqqa qatysyp, belsendilik tanyta alady.
Ekinshi ortalyq Qalqaman-2 shaǵynaýdany Áshimov kóshesi, 253 mekenjaiynda ornalasqan. Bul ortalyqtyń baǵdarlamasy boiynsha dene shynyqtyrýǵa, shyǵarmashylyqqa, áleýmettik qoldaýǵa, mádeni murany saqtaýǵa erekshe nazar aýdarylady. Usynylatyn sabaqtardyń arasynda ioga, aikýne, horeografiia, zańgerlik jáne psihologiialyq kómek, IT-saýattylyq, este saqtaýdy nyǵaitý, bi, keskindeme, qolóner, vokal, akterlik sheberlik, ulttyq taǵam daiyndaý, dombyra tartý, túrli mýzykalyq janrlar bar. Ulttyq dástúrdi saqtaýǵa jáne olardy óskeleń urpaqqa nasihattaýǵa erekshe kóńil bólinedi.
«Men úshin Belsendi uzaq ómir súrý ortalyǵy bul shabyt pen shyǵarmashylyq oshaǵy. Munda horǵa qatysyp, án aitamyn, ózimmen pikirles adamdarmen kezdesip, oi bólisemin. Mundai ortalyqtardyń egde jandarǵa bereri kóp», - dedi mádeniet qairatkeri, Abai atyndaǵy opera jáne balet teatrynyń burynǵy solisi Qanat Qulymjanov.
Ermahanova Kúnsulý Belsendi uzaq ómir súrý ortalyǵyndaǵy hor men shyǵarmashylyq sabaqtarǵa turaqty qatysyp keledi. Ol da horǵa qatysyp, án aityp, sheberlik saǵattaryna qatysyp shabyt alǵanyn aitty. Bul – ortalyqtaǵy qarttar úshin asa mańyzdy eken alǵa tartty.
Aýdan ákimdiginde atap ótkendei, jańadan ashylǵan eki Belsendi uzaq ómir súrý ortalyǵy egde jastaǵy jandardyń bos ýaqytyn tiimdi ótkizýge, ómir súrý sapasyn jaqsartýǵa, densaýlyǵyn nyǵaitýǵa yqpal etedi.
Eske salaiyq, Almatyda búginde mundai 19 Belsendi uzaq ómir súrý ortalyǵy jumys isteidi.
