Almatynyń qala qurylysyn baqylaý basqarmasy Ahmediiarov kóshesi, 18/58 mekenjaiyndaǵy kólik jýý jáne servis ortalyǵynyń súrilgeni týraly málimdedi,- dep habarlaidy Dalanews.kz
Jospardan tys tekseris barysynda jobalyq-smetalyq qujattamasyz, avtorlyq jáne tehnikalyq qadaǵalaýsyz, burynǵy ǵimaratty buzyp, eki birqabatty ǵimarattyń salynyp, olar kólik jýý jáne mai aýystyrý beketi retinde paidalanylyp jatqany anyqtaldy.
Nysan iesine qatysty ákimshilik sharalar qoldanylyp, ǵimarattardy buzý týraly nusqama berildi.
2024 jyly 16 qańtarda basqarma Almaty qalasy mamandandyrylǵan aýdanaralyq ekonomikalyq sotyna atalǵan nusqamany májbúrlep oryndatý týraly talap aryz berdi.
Sot basqarmanyń talabyn qanaǵattandyryp, 2024 jyly 20 maýsymda Almaty qalalyq sotynyń qaýlysymen birinshi satyly sot sheshimi ózgerissiz qaldyryldy.
Búginde sot sheshimin oryndaý maqsatynda zańsyz salynǵan ǵimarattardy iesi ózi buzyp tastady.
