Májilis depýtaty Samat Nurtaza bilim berý mekemelerindegi qaýipsizdik jaiy týraly aitty, dep habarlaidy Dalanews.kz.
Premer-ministrdiń orynbasary - mádeniet jáne aqparat ministri Aida Balaevaǵa saýal joldaǵan depýtattyń pikirinshe, bilim berý mekemelerindegi, ásirese, balabaqshalar men mektepterdegi kúzet basa baqylaýdy talap etedi.
"Kóp jaǵdaida mundai fýnktsiialar formaldy sipatta ǵana, al is júzinde ony kóbine zeinet jasyndaǵy adamdar atqaryp júr. Mundai jaǵdai kóbine jalaqy tómendiginen týyndap otyr. Sonyń saldarynan bul jumysqa bilikti mamandardy tartý qiyn", - dedi Májilis depýtaty.
Samat Nurtaza Almatyda tirkelgen jantúrshigerlik derekti baiandady.
"Sonyń bir mysaly retinde jaqynda Almaty qalasyndaǵy ýniversitetterdiń birinde bolǵan sumdyq jaǵdaidy aitsaq bolady. Stýdent oqý ornyna pyshaq alyp kirip, oqytýshyny jaraqattaǵan. Biyl bilim berý mekemelerine jasalǵaly jatqan "shabýyldar", qastandyqtar týraly jalǵan aqparattar men qaýesetterdiń birneshe ret taraǵany da alańdatady. Mundai habarlamalar áleýmettik jeliler men buqaralyq aqparat quraldarynda belsendi túrde jariialanyp, ata-analar, stýdentter men ustazdar arasynda jappai úrei týǵyzdy", - dedi depýtat Májilis otyrysynda.
