Bul bilim mekemesi Almaty qalasynyń TOP 10 mańyzdy jobalarynyń qataryna kiretin qazaq tilinde oqytatyn jańa formattaǵy mektep.
Maqsaty: Ulttyq bolmysqa tán jáne qazirgi zamanǵa sai ozyq tulǵany tárbieleý. Qazaqtyń ulttyq mádenieti men bilim berýdi damytýǵa asa nazar aýdaratyn ZAMAN SCHOOL-de innovatsiialyq jáne oqytýda joǵary tiimdilikti qamtamasyz etetin jańa engizilgen bilim berý júiesi qoldanylady.
Sonymen qatar, mekteptegi barlyq tehnikalyq jabdyqtardyń eń sońǵy úlgileri ornatylǵan.
Bul jóninde mektep quryltaishysy Gaýhar Nýrova:
«Biz ZAMAN SCHOOL qazaq elitaly mektebine zamanaýi tehnikalardyń sońǵy úlgilerin qoldanysqa engizip jatyrmyz. Mysaly, ár oqýshy men qyzmetkerler mektepke kirgende kamera bet-júzine qarap Face ID baqylaý jasaidy. Bóten adam bolsa esik ashylmai qalady.
Sondai-aq, ár oqýshy ID karta arqyly mektepke kirip shyqqany jaily ata-anasyna sms habarlama avtomatty túrde joldanyp otyrady» dep erekshelirterin jetkizdi.
Al mektep ǵimaraty zamanaýi oqý úderisine qajettiniń barlyǵyn eskere otyryp, eń úzdik qazaqstandyq sáýletshilermen jobalanǵan.
