بۇل ءبىلىم مەكەمەسى الماتى قالاسىنىڭ توپ 10 ماڭىزدى جوبالارىنىڭ قاتارىنا كىرەتىن قازاق تىلىندە وقىتاتىن جاڭا فورماتتاعى مەكتەپ.
ماقساتى: ۇلتتىق بولمىسقا ءتان جانە قازىرگى زامانعا ساي وزىق تۇلعانى تاربيەلەۋ. قازاقتىڭ ۇلتتىق مادەنيەتى مەن ءبىلىم بەرۋدى دامىتۋعا اسا نازار اۋداراتىن ZAMAN SCHOOL-دە يننوۆاسيالىق جانە وقىتۋدا جوعارى تيىمدىلىكتى قامتاماسىز ەتەتىن جاڭا ەنگىزىلگەن ءبىلىم بەرۋ جۇيەسى قولدانىلادى.
سونىمەن قاتار، مەكتەپتەگى بارلىق تەحنيكالىق جابدىقتاردىڭ ەڭ سوڭعى ۇلگىلەرى ورناتىلعان.
بۇل جونىندە مەكتەپ قۇرىلتايشىسى گاۋحار نۋروۆا:
«ءبىز ZAMAN SCHOOL قازاق ەليتالى مەكتەبىنە زاماناۋي تەحنيكالاردىڭ سوڭعى ۇلگىلەرىن قولدانىسقا ەنگىزىپ جاتىرمىز. مىسالى، ءار وقۋشى مەن قىزمەتكەرلەر مەكتەپكە كىرگەندە كامەرا بەت-جۇزىنە قاراپ Face ID باقىلاۋ جاسايدى. بوتەن ادام بولسا ەسىك اشىلماي قالادى.
سونداي-اق، ءار وقۋشى ID كارتا ارقىلى مەكتەپكە كىرىپ شىققانى جايلى اتا-اناسىنا سمس حابارلاما اۆتوماتتى تۇردە جولدانىپ وتىرادى» دەپ ەرەكشەلىrتەرىن جەتكىزدى.
ال مەكتەپ عيماراتى زاماناۋي وقۋ ۇدەرىسىنە قاجەتتىنىڭ بارلىعىن ەسكەرە وتىرىپ، ەڭ ۇزدىك قازاقستاندىق ساۋلەتشىلەرمەن جوبالانعان.
