Almatyda jol-kólik oqiǵalarynyń sany «Sergek» apparattyq-baǵdarlamalyq keshenin engizgennen keiin 17%-ǵa azaidy, – dep habarlaidy Dalanews.kz Almaty qalasy ákiminiń baspasóz qyzmetine silteme jasap.
Qalalyq tsifrlandyrý basqarmasynyń basshysy Oljas Janabektiń aitýynsha, «Sergek» keshenderiniń úsh jyldyq jumysy barysynda Almaty joldarynda apattar men ólim-jitim deńgeii aitarlyqtai tómendedi.
Búginde megapoliste 1641 «Sergek» kesheni jumys istep tur, bul 9152 beinebaqylaý kamerasyn qamtidy. 2021 jyldan 2024 jyldyń shildesine deiingi aralyqta joldardaǵy ólim-jitim 40%-ǵa, jol-kólik oqiǵalarynyń sany 17%-ǵa, al apat saldarynan jaraqat alǵandardyń sany 30%-ǵa azaidy.
Sonymen qatar, joba iske qosylǵannan beri qalalyq biýdjetke 44,08 milliard teńge túsken.
Aita keteiik, tek biylǵy jyldyń toǵyz aiynda Almatyda 3 millionnan astam quqyq buzýshylyq tirkelip, 18,6 milliard teńgeden astam aiyppul óndirilgen.
