Daýys berý kúni saılaý komısıalaryna artylǵan júk aýqymy zor boldy, birneshe búleten, bir jaǵynan kandıdattar sany kóp boldy. Soǵan qaramaı, saılaý komısıasynyń ókilderi daýys berý prosesin kásibı turǵyda atqardy. Baqylaýshylar mektebiniń jetekshisi Aleksandr Bratenkov osylaı sanaıdy.

– Daýys berý prosesinde negizgi jumys saılaý komıssálaryna baılanysty ekeni sózsiz. Ýchaskelik saılaý komısıasynyń músheleri barynsha bilikti jáne quzyretti bolýlary kerek. Ýchaskelik komısıa múshesiniń árqaısysy zańnamany bilýge qatysty kásibı daıyndyqtan ótedi. Almatyda saılaý komısıasy músheleriniń biliktilik deńgeıi aıtarlyqtaı joǵary, – dep atap ótti spıker.

Áriptesiniń pikirin Almaty Azamattyq alánsynyń tóraǵasy Qaıyrjan Abdyhalyqov da quptaıdy.

– Bizdiń ózimiz de saılaýshy retinde daýysymyzdy berdik. Men ózimniń saılaý ýchaskemde daýys berdim. Ýchaskelik saılaý komısıasynyń jumysyn ishten de baqylap kórdim. Meniń saılaý ýchaskemde bári júıeli túrde uıymdastyrylǵan.

Saılaý komısıasynyń músheleri búleten boıynsha da, tizim boıynsha da jumystaryn oıdaǵydaı atqardy. Saılaýshy retinde maǵan barlyq quqyǵymdy túsindirdi, – dep bólisti ol.

Sonymen birge, spıkerlerdiń aıtýynsha, baqylaýshylar eshqandaı júıeli zań buzýshylyqtardy baıqamaǵan. Almatyda saılaý barysy shtattyq rejımde ótken.