– داۋىس بەرۋ پروتسەسٸندە نەگٸزگٸ جۇمىس سايلاۋ كوميسسيالارىنا بايلانىستى ەكەنٸ سٶزسٸز. ۋچاسكەلٸك سايلاۋ كوميسسيياسىنىڭ مٷشەلەرٸ بارىنشا بٸلٸكتٸ جەنە قۇزىرەتتٸ بولۋلارى كەرەك. ۋچاسكەلٸك كوميسسييا مٷشەسٸنٸڭ ەرقايسىسى زاڭنامانى بٸلۋگە قاتىستى كەسٸبي دايىندىقتان ٶتەدٸ. الماتىدا سايلاۋ كوميسسيياسى مٷشەلەرٸنٸڭ بٸلٸكتٸلٸك دەڭگەيٸ ايتارلىقتاي جوعارى, – دەپ اتاپ ٶتتٸ سپيكەر.
ەرٸپتەسٸنٸڭ پٸكٸرٸن الماتى ازاماتتىق اليانسىنىڭ تٶراعاسى قايىرجان ابدىحالىقوۆ دا قۇپتايدى.
– بٸزدٸڭ ٶزٸمٸز دە سايلاۋشى رەتٸندە داۋىسىمىزدى بەردٸك. مەن ٶزٸمنٸڭ سايلاۋ ۋچاسكەمدە داۋىس بەردٸم. ۋچاسكەلٸك سايلاۋ كوميسسيياسىنىڭ جۇمىسىن ٸشتەن دە باقىلاپ كٶردٸم. مەنٸڭ سايلاۋ ۋچاسكەمدە بەرٸ جٷيەلٸ تٷردە ۇيىمداستىرىلعان.
سايلاۋ كوميسسيياسىنىڭ مٷشەلەرٸ بيۋللەتەن بويىنشا دا, تٸزٸم بويىنشا دا جۇمىستارىن ويداعىداي اتقاردى. سايلاۋشى رەتٸندە ماعان بارلىق قۇقىعىمدى تٷسٸندٸردٸ, – دەپ بٶلٸستٸ ول.
سونىمەن بٸرگە, سپيكەرلەردٸڭ ايتۋىنشا, باقىلاۋشىلار ەشقانداي جٷيەلٸ زاڭ بۇزۋشىلىقتاردى بايقاماعان. الماتىدا سايلاۋ بارىسى شتاتتىق رەجيمدە ٶتكەن.
