Almatyda qiyn jaǵdaiǵa tap bolǵan stýdentterge qoldaý kórsetetin jańa daǵdarys ortalyǵy ashyldy,- dep habarlaidy Dalanews.kz
Ol M. Tynyshpaev atyndaǵy ALT ýniversitetiniń №4 jataqhanasynda (Masanchi kóshesi, 88) ornalasqan.
Joba QR Ǵylym jáne joǵary bilim ministrligi men Almaty qalasy ákimdiginiń qoldaýymen júzege asty. Ortalyq 55 orynǵa eseptelgen.
Munda stýdentterge psihologiialyq jáne áleýmettik kómek kórsetiledi, ýaqytsha baspana beriledi. Qupiia keńes beretin kásibi psiholog jumys isteidi. Sondai-aq zańgerlik jáne meditsinalyq kómekke joldama alý múmkindigi bar.
Jataqhanada jaily turýǵa qajetti jaǵdaidyń bári jasalǵan. Ortalyqta qaýipsizdik, ózin-ózi qoldaý taqyrybynda treningter men aqparattyq is-sharalar ótkizilip turady.
«Jastardy áleýmettik qoldaý – memleketimizdiń strategiialyq basymdyqtarynyń biri. Ásirese stýdentter úshin qaýipsiz ári qolaily orta qalyptastyrýdyń mańyzy zor. Daǵdarys ortalyǵynyń ashylýy – bul tek ýaqytsha baspana usyný emes, sonymen birge jastardyń qiyn kezeńnen shyǵýyna naqty kómek kórsetý, olardyń áleýetin saqtap qalýǵa múmkindik berý. Bizdiń maqsatymyz – árbir stýdenttiń óz bilimin jalǵastyrýyna, qoǵamdaǵy belsendiligin tómendetpei, óz bolashaǵyna senimmen qadam basýyna jaǵdai jasaý», - dedi Almaty qalasy Jastar saiasaty basqarmasynyń basshysy Aziz Kajdenbek.
Sonymen qatar Almatydaǵy barlyq 35 joǵary oqý ornynda Ahýaldyq ortalyqtar jumys isteidi. Olar stýdentterdiń ótinishin qabyldap, máselelerin der kezinde sheshýge yqpal etedi.
Aita keteiik, 22 tamyz kúni Almaty qalasyndaǵy stýdenttik jataqhanalarǵa arnaiy monitoring júrgizilip, stýdentterdiń jaily turmystyq jaǵdaiyn qamtamasyz etý, qaýipsizdik pen turmystyq infraqurylymǵa bailanysty máseleler talqylandy.
