Almatyda «Qurban ait» onlain formatta óttedi
Keńeske aýdandar ákimdikteriniń jáne jaýapty basqarmalardyń basshylyǵy qatysty.
Erjan Babaqumarov qazirgi kúrdeli epidemiologiialyq jaǵdaiǵa basa nazar aýdardy. Sońǵy táýlikte megapoliste koronavirýstyq infektsiianyń 850 jaǵdaiy tirkeldi. Osyǵan bailanysty biyl virýstyń odan ári taralýyn boldyrmaý maqsatynda «Qurban ait» merekesi onlain rejimde ótedi. Qaiyrymdylyqty qurban2021.kz saityna ótinim berý arqyly onlain jasaýǵa bolady.
Keńes barysynda, sondai-aq qurbandyqqa shalynatyn janýarlardy satý kezinde qalalyqtardyń densaýlyǵyn «Delta» shtammyn juqtyrýdan qorǵaý máseleleri talqylandy.
Basty mindet – koronavirýstyq infektsiianyń taralý qaýpin azaitý. Ákimniń orynbasary Erjan Babaqumarov qalalyq basqarmalar men aýdandardyń ákimdikterine, veterinarlyq jáne tiisti qyzmetterge mereke kezinde infektsiianyń aldyn-alý jáne karantindik shekteýlerdiń saqtalýyna baqylaýdy kúsheitý jóninde qajetti sharalar qabyldaýdy tapsyrdy.
Aita ketsek, «Qurban ait»merekesiniń onlain-formaty ótken jyly engizilgen bolatyn. Shekteýler barlyq uiymdarda, sonyń ishinde jeke úi sharýashylyqtary men medreselerde adamdardyń jappai jinalýy arqyly is-sharalar ótkizýge tyiym salýdy kózdedi.
Sonymen qatar, avtokólikterden jáne jeke úi sharýashylyqtarynan mal soiýǵa tyiym salynady, qurbandyq shalýǵa arnaiy bólingen jerdi qospaǵanda, búkil qala boiynsha mal soiý tsehtary men bazarlarynyń jumysy toqtatyldy.
