Almatyda Qytaı azamatynan 4,5 myńǵa jýyq aqbóken múıizi tárkilendi, dep habarlaıdy Dalanews.kz.
Arnaıy is-sharany Almatyda krımınaldyq polısıanyń “Kıberpol” qyzmetkerleri júrgizgen.
"Jetisý aýdanyndaǵy jeke úılerdiń birinde 58 jastaǵy QHR-nyń azamaty ustaldy. Ony tintý kezinde aqbóken múıizi salynǵan 50 qorap tabyldy jáne tárkilendi. Er adamnyń aıtýynsha, ol Qyzyl kitapqa engen elementterdi Almaty oblysynan satyp alyp, emdik maqsatta óz eline tasymaldaýdy josparlaǵan.
Aqbókendi zańsyz joıý, sondaı-aq ony nemese onyń derıvattaryn, onyń ishinde múıizderin alý, saqtaý, ótkizý, ımporttaý, kirgizý, jóneltý, tasymaldaý derekteri boıynsha qylmystyq is qozǵaldy. Aqbóken múıizderin satý arnasy anyqtalýda", – dedi Almaty qalalyq PD krımınaldyq polısıa basqarmasynyń bastyǵy Talant Isaev.
QR QK-niń 201-babyna sáıkes, ózge aqparat tergeý múddesine oraı jarıa etilmeıdi.
