Búgin Almaty qalasynda Qazaqstan Respýblikasy TJ ministri general-maior Shyńǵys Árinovtiń qazirgi ýaqytta qaladaǵy tyǵyz salynǵan qurylys jaǵdaiynda azamattyq qorǵaý júiesin jumysqa daiyndaý jónindegi tapsyrmasy sheńberinde Resei jáne Belarýs TJM baqylaýshylarynyń qatysýymen aýqymdy órt-taktikalyq oqý-jattyǵýlar ótkizildi,- dep habarlaidy Dalanews.kz
Oqý-jattyǵýdyń maqsaty joǵary qabatty ǵimarattarda órt týyndaǵan kezde órt-qutqarý bólimsheleriniń ózara is-qimyl algoritmderi men praktikalyq is-qimyldaryn pysyqtaý, joǵarǵy qabattarǵa órt sóndirgish zattardy jiberýdiń tehnikalyq múmkindikterin baǵalaý, sondai-aq órtke qarsy qorǵaý injenerlik júieleri men obekt personalynyń tótenshe jaǵdai kezindegi is-qimyldarǵa daiyndyǵyn tekserý boldy.
«Bul oqý-jattyǵýlar qalalardyń belsendi kópqabatty qurylysy jaǵdaiynda azamattyq qorǵaý kúshterin daiarlaý júiesiniń mańyzdy bóligi bolyp tabylady. Órt sóndirý jáne adamdardy qutqarý protsesine áýe tehnikasynyń integratsiiasy erekshe mańyzǵa ie», - dep TJ vitse-ministri Ramil Kamalov atap ótti.
Oqý-jattyǵý josparyna sáikes shartty órt 35 qabatty turǵyn úi kesheninde bolǵan. Jedel den qoiý jáne tótenshe jaǵdaidy joiý maqsatynda ártúrli taktikalyq quraldar, sonyń ishinde ónimdiligi joǵary sorǵylary bar mamandandyrylǵan avtomobilder, órt mototsikl ekipajdary, sondai-aq áýe kúshteri-órt tikushaǵy tartyldy.
Áreket etýdiń negizgi quraldarynyń biri retinde aviatsiiany qoldanýǵa erekshe nazar aýdaryldy. Áýe tehnikasyn paidalaný jer ústi jáne áýe kúshteriniń ózara árekettesý múmkindikterin baǵalaýǵa, sondai-aq shartty oqiǵa ornynda jedel basqarýdyń tiimdiligin arttyrýǵa múmkindik berdi.
Oqý-jattyǵýǵa TJM, IIM, kommýnaldyq qyzmetter men Almaty qalasynyń qutqarý qyzmeti bólimshelerinen 160-tan astam adam jáne 25 tehnika jumyldyryldy.
Qazaviaqutqarý ushqyshtary adamdardy joǵarǵy qabattardan evakýatsiialaý boiynsha eń kúrdeli elementti pysyqtady, aerovizýaldy barlaý úshin ushqyshsyz ushý apparattary, temperatýralyq belsendirilgen sýdy berýge arnalǵan kópfýnktsionaldy mashinalar, ónimdiligi joǵary sorǵy qondyrǵylary jáne t.b. qoldanyldy.
Oqý-jattyǵý aiaqtalǵannan keiin jan-jaqty taldaý júrgizildi, onyń qorytyndysy boiynsha bólimsheler qoiǵan barlyq mindetterdiń tolyq kólemde oryndalǵany rastaldy, al tehnikalyq jáne uiymdastyrýshylyq múmkindikter megapolistegi tótenshe jaǵdailarǵa den qoiýǵa daiyndyqtyń joǵary deńgeiin kórsetti.
