Almatydaǵy Shymbulaq taý-shańǵy kýrortynda ornalasqan Gusto meiramhanasy úlken daýdan keiin qonaqtarǵa qazaq tilinde qyzmet kórsetýdi qolǵa aldy, dep habarlaidy Dalanews.kz.
Videoda qyzmetkerler kelýshilerdi qazaqsha sóilep, qarsy alyp jatqany kórinedi.
“Memlekettik tildi meńgerý - elge, mádenietke jáne kelýshilerge degen qurmettiń belgisi. Bizdiń komandada túrli ult ókilderi jumys isteidi. Olardyń kópshiligi qazaq tilin sanaly túrde úirenip, qyzmet barysynda qoldanyp jatyr. Bul talpynystaryn baǵalaimyz jáne qoldaimyz”, - delingen resmi habarlamada.
Gusto ókilderi qyzmetkerler qazaqsha aktsentpen sóilese de, til úirenýge yntaly ekenin atap ótti.
“Til - qoldanǵanda ǵana damidy. Biz ózara qurmet pen qoldaýdy quptaimyz”, - dedi meiramhana basshylyǵy.
Aita keteiik, buǵan deiin atalǵan meiramhanynyń ákimshisi Elena zańger Meiirman Shekeevpen kezdesip, onyń Instagram paraqshasynda video arqyly halyqtan keshirim suraǵan edi.
“Men Qazaqstan azamatymyn jáne halqymnan keshirim suraimyn. Emotsiiaǵa berilip “KSRO-da týdym” dep aitqanym úshin keshirim ótinemin. Eshkimdi renjitý oiymda bolmady”, — dedi ol.
Videoda Meiirman Shekeevtiń meiramhanaǵa baryp, mázirdegi qatelerdi túzetýdi suraǵany da kórinedi. Restoran ákimshiligi jaǵdaiǵa bailanysty keshirim surap, mázirdi túzetýge ýáde bergen.
Aita keteiik, buǵan deiin meiramhana ákimshisi qazaqsha qyzmet kórsetýden bas tartyp, synǵa qalǵan edi. Keiin qyzmetker jumystan shyǵaryldy.
