Almatyda ornalasqan Qazaq-Britan tehnikalyq ýniversitetin qyzyl jalyn sharpydy, dep habarlaidy Dalanews.kz.
Aldyn ala málimetter boiynsha Tóle bi kóshesinde ornalasqan ǵimarattyń tórtinshi qabatyndaǵy bólmelerdiń birinde tóbe jabyny janyp jatyr.
"Órtti sóndirý jumystary júrgizilip jatyr. Barlyǵy jeke quramnan 59 adam jáne 16 birlik TJD tehnikasy jumyldyryldy. Gaz-tútinnen qorǵaý qyzmetiniń 4 býyny jumys jasaýda", — dep habarlady Tótenshe jaǵdailar ministrliginiń baspasóz qyzmeti.
Qazir tótenshe jaǵdaiǵa bailanysty Tóle bi jáne Qazybek bi kósheleriniń bir bóligi ýaqytsha jabylǵan.
"2025 jyldyń 11 qańtarynda Almaty qalalyq tótenshe jaǵdailar boiyna departamentiniń kúshteri Qazaqstan-Britan ýniversiteti mekenjaiy boiynsha joǵarylatylǵan III deńgeidegi órt oshaǵynda jumys istep jatyr. Órtti sóndirý nysannyń kúrdeli konstrýktivti erekshelikterine bailanysty qiyndady, nysan bes qabatty, shatyr keńistigi janyp jatyr. Órttiń jabyq oshaqtary bar. Úsh avtosaty ornatyldy. Eki avtotsisterna órt gidrantyna ornatyldy. Jalyn áli aýyzdyqtalǵan joq", - dedi Almaty TJD basshysynyń orynbasary Chaizada Baǵdat.
