Almatyda qaza tapqan politseilerdi eske alýǵa arnalǵan sambodan jarys ótti,- dep habarlaidy Dalanews.kz "Polisia.kz"-ke silteme jasap.
Almaty qalasy politsiia departamentinde 2016 jyly shildede Arman Kýlikbaev jasaǵan teraktide qaza tapqan qyzmetkerlerdi eske alýǵa arnalǵan sambodan jarys ótti. Is-shara QR IIM-niń quqyq qorǵaý jáne arnaiy vedomstvolary qyzmetkerleri arasyndaǵy XII spartakiadasyna daiyndyq aiasynda, sondai-aq "Dinamo" sport qoǵamynyń 100 jyldyǵy men Uly Otan soǵysyndaǵy Jeńistiń 80 jyldyǵyna orai uiymdastyryldy.
Jarysqa 13 komanda qatysty. Barlyǵy 81 sportshy, onyń ishinde 1 halyqaralyq dárejedegi sport sheberi, 7 Qazaqstan Respýblikasynyń sport sheberi, 31 sport sheberine úmitker.
Jarys qorytyndysy boiynsha júldeli oryndar kelesidei bólindi:
- I oryn – Almaty qalasy PD JQAJ komandasy;
- II oryn – Almaty qalalyq PD patrýldik politsiia polki;
- III oryn – Almaly aýdandyq politsiia basqarmasy.
"Bul jarystar - jai ǵana spartakiadaǵa daiyndyq kezeńi emes. Bul – beibit turǵyndardy qorǵai júrip, ómirin qiǵan áriptesterimizdiń rýhyna taǵzym. Jantúrshigerlik lańkestik oqiǵadan beri toǵyz jyl ótse de, qaza bolǵan politsiia qyzmetkerleriniń esimi bizdiń jadymyzda máńgi saqtalady. Mundai sharalar ujymnyń rýhy men yntymaǵyn nyǵaitady, tózimdilik, erik-jiger men daiyndyqty qalyptastyrady", - dedi Almaty qalalyq PD arnaiy jáne jumyldyrý daiyndyǵy basqarmasynyń bastyǵy Erlan Ábsadyq.
Uiymdastyrýshylardyń aitýynsha, bul jarystar jeke qurammen tárbie jáne patriottyq jumys júrgizýdiń mańyzdy bóligi bolyp tabylady, sondai-aq politsiia qyzmetkerleri arasynda qyzmettik-qoldanbaly sport túrlerin nasihattaýǵa arnalǵan tiimdi alań boldy.
