الماتىدا قازا تاپقان پوليسەيلەردى ەسكە الۋعا ارنالعان سامبودان جارىس ءوتتءى،- دەپ حابارلايدى Dalanews.kz "Polisia.kz"-كە سىلتەمە جاساپ.
الماتى قالاسى پوليسيا دەپارتامەنتىندە 2016 جىلى شىلدەدە ارمان كۋليكبايەۆ جاساعان تەراكتىدە قازا تاپقان قىزمەتكەرلەردى ەسكە الۋعا ارنالعان سامبودان جارىس ءوتتى. ءىس-شارا ق ر ءىىم-نىڭ قۇقىق قورعاۋ جانە ارنايى ۆەدومستۆولارى قىزمەتكەرلەرى اراسىنداعى XII سپارتاكياداسىنا دايىندىق اياسىندا، سونداي-اق "دينامو" سپورت قوعامىنىڭ 100 جىلدىعى مەن ۇلى وتان سوعىسىنداعى جەڭىستىڭ 80 جىلدىعىنا وراي ۇيىمداستىرىلدى.
جارىسقا 13 كوماندا قاتىستى. بارلىعى 81 سپورتشى، ونىڭ ىشىندە 1 حالىقارالىق دارەجەدەگى سپورت شەبەرى، 7 قازاقستان رەسپۋبليكاسىنىڭ سپورت شەبەرى، 31 سپورت شەبەرىنە ۇمىتكەر.
جارىس قورىتىندىسى بويىنشا جۇلدەلى ورىندار كەلەسىدەي ءبولىندى:
- ءى ورىن – الماتى قالاسى پد جقاج كومانداسى؛
- ءىى ورىن – الماتى قالالىق پد پاترۋلدىك پوليسيا پولكى؛
- ءىىى ورىن – المالى اۋداندىق پوليسيا باسقارماسى.
"بۇل جارىستار - جاي عانا سپارتاكياداعا دايىندىق كەزەڭى ەمەس. بۇل – بەيبىت تۇرعىنداردى قورعاي ءجۇرىپ، ءومىرىن قيعان ارىپتەستەرىمىزدىڭ رۋحىنا تاعزىم. جانتۇرشىگەرلىك لاڭكەستىك وقيعادان بەرى توعىز جىل وتسە دە، قازا بولعان پوليسيا قىزمەتكەرلەرىنىڭ ەسىمى ءبىزدىڭ جادىمىزدا ماڭگى ساقتالادى. مۇنداي شارالار ۇجىمنىڭ رۋحى مەن ىنتىماعىن نىعايتادى، توزىمدىلىك، ەرىك-جىگەر مەن دايىندىقتى قالىپتاستىرادى"، - دەدى الماتى قالالىق پد ارنايى جانە جۇمىلدىرۋ دايىندىعى باسقارماسىنىڭ باستىعى ەرلان ءابسادىق.
ۇيىمداستىرۋشىلاردىڭ ايتۋىنشا، بۇل جارىستار جەكە قۇراممەن تاربيە جانە پاتريوتتىق جۇمىس جۇرگىزۋدىڭ ماڭىزدى بولىگى بولىپ تابىلادى، سونداي-اق پوليسيا قىزمەتكەرلەرى اراسىندا قىزمەتتىك-قولدانبالى سپورت تۇرلەرىن ناسيحاتتاۋعا ارنالعان ءتيىمدى الاڭ بولدى.
