Almatyda qaiyrymdylyq qorynyń basshysy 15 jastaǵy jasóspirimdi qalalyq bazarda qoǵamdyq qaiyrymdylyq aktsiiasyna qarajat jinaýǵa tartqan, dep habarlaidy Dalanews.kz.
Qaiyrymdylyq qyzmetin retteitin zań normalaryn ainalyp ótip, kámeletke tolmaǵandar azamattardy qaiyrymdylyqqa shaqyryp, shý shyǵaryp, qoǵamdyq tártipti buzǵan.
Osylaisha, jasóspirim ákimshilik zańnamany buzýmen bailanysty jaǵdaiǵa tap bolǵan. Bul is boiynsha qor direktoryna qatysty QR ÁQBtK-niń 128-babynyń 1-bóligi boiynsha ákimshilik is qozǵaldy.
Sot otyrysynda qor direktory óz kinásin moiyndap, is materialdarynda kórsetilgen mán-jailardy rastady. Ákimshilik quqyq buzýshylyq jinaqtalǵan dáleldemelermen, sondai-aq kámeletke tolmaǵan jasóspirimniń jáne direktordyń óz sózderimen rastaldy.
ÁQBtK-niń 128-babynyń 1-bóligi boiynsha aiyppul jeke tulǵalarǵa 50 AEK mólsherinde aiyppul salýdy qarastyrady.
Almaty qalasynyń kámeletke tolmaǵandardyń isteri jónindegi mamandandyrylǵan aýdanaralyq soty jasalǵan quqyq buzýshylyqtyń sipatyn, kináliniń jeke basyn jáne jaýaptylyqty aýyrlatatyn mán-jailardyń joqtyǵyn eskere otyryp, ony kináli dep tanyp, 196 myń teńgeden astam aiyppul saldy.
