Freedom Inside '26

Almatyda «Qasiettim – Jeltoqsan!» dástúrli kontserti ótedi

Almatyda «Qasiettim – Jeltoqsan!» dástúrli kontserti ótedi
3 jeltoqsan kúni Almatydaǵy Qazaqstan Jazýshylar Odaǵynyń kontsert zalynda el táýelsizdiginiń 25 jyldyǵyna jáne 1986 jylǵy jeltoqsannyń 30 jyldyǵyna orai «Qasiettim – Jeltoqsan!» atty kontsert biyl úshinshi ret ótkeli otyr.

Atalǵan kontsertte 1986 jylǵy jeltoqsanda alańda shyrqalǵan ándermen qatar, jeltoqsandy jyrlaǵan shyǵarmalar jáne de el táýelsizdigin tolǵaityn otanshyldyq rýhtaǵy ánder oryndalady. Sharany Almaty qalasy Ishki saiasat basqarmasynyń Almaty qalasynda úkimettik emes uiymdarmen áleýmettik mańyzy bar jobalardy júzege asyrý boiynsha tapsyrysy aiasyndaǵy tikelei qoldaýymen «Jeruiyq» qoǵamdyq birlestigi uiymdastyryp otyr.

Bul án men jyr keshin uiymdastyrýdaǵy basty maqsat – 1986 jylǵy Jeltoqsan oqiǵasy taqyrybynda jaryq kórgen mýzykalyq shyǵarmalar men ánderdi nasihattaý. Bul - 1986 jylǵy Jeltoqsan oqiǵasy taqyrybyndaǵy ánderge arnalǵan kontsert dástúrli túrde uiymdastyrylyp keledi.

Kontsertte kezinde jeltoqsan alańynda shyrqalǵan «Atameken» áninen bastap, oqiǵadan keiingi ýaqytta shyqqan «Jeltoqsan  taǵylymy», «Jeltoqsan  jeli», «Bostandyqtyń  boitumary – jeltoqsan», «Qara  baýyr qasqaldaq», «Jeltoqsan marshy», «Jeltoqsan jastary marshy» jáne «Qaisar qazaq» syndy jeltoqsan taqyrybyna arnalǵan ánder men qatar, el táýelsizdigin tolǵaityn otanshyldyq rýhtaǵy ánder oryndalady.

Kontsertke Qazaqstannyń Halyq ártisi, Memlekettik syilyqtyń laýreaty, ánshi Nurǵali Núsipjanov, Qazaqstan Respýblikasynyń Mádeniet qairatkeri Muratbek Sarbasov, Qazaqstannyń eńbek sińirgen qairatkeri, ánshi Qurmanbek Álimǵazy, Eset Sadýaqasov, Azamat Bekbergenov, Áliia Ábilqaiyr, Artur Iztileýov jáne «Amanat» toby syndy t.b. óner juldyzdary qatysady.

Ótkizý ýaqyty men orny: Qazaqstan Jazýshylar Odaǵynyń kontsert zaly, 3 jeltoqsan, saǵ.15.00  Kelem deýshilerge esik ashyq!