Tóle bı kóshesinde Baıtursynov kóshesinen Iassaýı kóshesine deıin jalpy uzyndyǵy 8,5 shaqyrym bolatyn jol jóndelýde. Trotýar jamylǵysy jańaryp, jıekter men aryq naýalary ishinara aýystyrylýda. Tar ýchaskelerde – Baıtursynov kóshesinen Áýezov kóshesine deıin – tramvaı relsteri súrilýde. Osylaısha, jóndeletin joldyń búkil uzyndyǵy boıynsha júris bóliginiń eni birdeı bolady.
Jıekter boıyna aıaldama qaltalary joq qoǵamdyq kóliktiń jolaqtary bolady. Bul rette jol qaýipsizdigi talaptaryna sáıkes keletin jerlerde jalpyǵa arnalǵan turaq qaltalary uıymdastyrylǵan. Negizgi kóshelermen qıylysqa deıin burylys úzilisteri uıymdastyrylady.
Búginde Baıtursynov kóshesinen Baızaqov kóshesine deıin jáne Momyshuly kóshesinen Iassaýı kóshesine deıingi ýchaskelerge asfált tóseý aıaqtaldy. Almaty ákimi Baqytjan Saǵyntaev jóndeý jumystarynyń sapasyn baqylaýdy jáne ortalyq kósheni kólik qozǵalysy úshin belgilengen merzimde ashýdy tapsyrdy.
Qala ákimi sondaı-aq Naýryzbaı aýdanynyń ákimshilik ortalyǵynda Momyshuly kóshesinen Alataý kóshesine deıingi jańa metro stansıalarynyń qurylysy men Abaı dańǵylyn úńgileý barysyn tekserdi.
Jaıaý júrginshilerge yńǵaıly bolý úshin Tóle bı kóshesiniń boıynda Iassaýı kóshesinen Momyshuly kóshesine deıin serýendeý aımaǵynyń qurylysy aıaqtalýda. «Búdjetke qatysý» aıasynda júzege asyrylatyn jobasy boıynsha aǵymdaǵy jóndeý, ýchaskeni asfálttaý, oryndyqtar, daýys berý jáshikterin ornatý, jaryqtandyrý baǵanalary qarastyrylǵan.
Altyn-Besik shaǵyn aýdany turǵyndarynyń ótinishi boıynsha Ánet baba kóshesiniń boıyndaǵy bos jatqan jerge oıyn alańy men fýtbol alańy salynýda. Jaqyn jerde balabaqsha qurylysy josparlanǵan. Trýdovaıa kóshesiniń boıyndaǵy qaraýsyz qalǵan alańnan 800-ge jýyq KamAZ qurylys pen turmystyq qaldyqtar shyǵaryldy. Endi munda sport, balalardyń oıyn jáne fýtbol alańdary paıda bolady.
Alataý aýdanynda Baqytjan Saǵyntaev shaǵyn aýdanyndaǵy 18 úıdiń jańartylǵan qasbetterin qarap shyqty. Jumys aıaqtalýǵa jaqyn. Turǵyndardyń belsendi qatysýymen aýlanyń aýmaǵy retke keltiriledi.
Megapolıs ákimi Ulttyq ǵylymı ortalyǵynyń qurylysyn da tekserdi. Jańa medısınalyq mekeme Elbasy tapsyrysymen salynyp jatyr, ol 350 tósek-orynǵa arnalǵan.
Nurkent shaǵyn aýdanynda buqaralyq sportpen shuǵyldanýǵa jaǵdaı jasaý maqsatynda búdjet qarajaty esebinen 14 kortqa arnalǵan tenıs ortalyǵy - 4 jabyq jáne 10 ashyq alańdar salynýda. Sonymen qatar, onyń janynan jeke ınvestısıa esebinen 12 ústeldik tenıs Ortalyǵy salynýda. Jyl sońyna deıin jańa sport nysandaryn paıdalanýǵa berý josparlanýda.
Jumys sapary kezinde qala ákimi «Alataý» shyǵarmashylyq habynyń ekinshi qabatyndaǵy IT-zerthanany ashýǵa arnalǵan úı-jaılardy qarap shyqty. Bul IT-ındýstrıa ınfraqurylymyn damytý úshin qurylǵan uqsas zerthanalardyń keń jelisi núkteleriniń birine aınalady.
Baqytjan Saǵyntaev tıisinshe Saıaly shaǵyn aýdanyndaǵy jáne tıisinshe Tomırıs shaǵyn aýdanyndaǵy 1800 jáne 1500 oryndyq mektepterdiń qurylys qarqynymen tanysty. Jańa bilim berý nysandaryn jyl sońyna deıin paıdalanýǵa berý josparlanýda.
Jumys saparynyń sońynda Almaty ákimi Tomırıs jáne Shańyraq-2 shaǵyn aýdandaryndaǵy «Búdjetke qatysý» aıasynda bos ýchaskelerdiń ornyna salynǵan jańa balalar oıyn alańdary men sport alańdaryn qarap shyqty. Jalpy, osy joba aıasynda bıyl Alataý aýdanynda 27 jergilikti sport jáne oıyn alańdary qurylady, olar barlyq shaǵyn aýdandar turǵyndary úshin qoljetimdi bolady.
