Almatyda megapolistiń 2040 jylǵa deiingi damýyn aiqyndaityn negizgi qala qurylysynyń qujaty — qalanyń Bas josparyn túzetý jobasy boiynsha qoǵamdyq talqylaýlar bastaldy, dep habarlaidy Dalanews.kz.
Talqylaýdyń alǵashqy kúni jobaǵa arnalǵan jalpy tanystyrylymnan bastaldy. Oǵan sarapshylar, qoǵam ókilderi, buqaralyq aqparat quraldarynyń ókilderi men qala turǵyndary qatysty. Sondai-aq segiz aýdannyń ákimderi tyńdaýlardyń búkil kezeńine qatysyp, turǵyndardyń naqty suraqtaryna jaýap beredi.
Eske sala keteiik, Bas jospardy qaita qaraýǵa negiz bolǵan basty sebepterdiń biri — Memleket basshysynyń taý bókteri aimaǵynda qurylys salýǵa tyiym salý jónindegi tapsyrmasy. Jańartylǵan jobada Talǵar tas jolynan, Shyǵys ainalma avto jolynan (ShAAJ), ál-Farabi dańǵylynan, Sain jáne Jandosov kóshelerinen ońtústikke qarai jańa kóppáterli turǵyn úi salýǵa, sondai-aq eńisi 15 gradýstan asatyn betkeilerde qurylys júrgizýge tyiym salý normasy bekitilgen. Bul sharalar taý bókterin qorǵaýǵa baǵyttalǵan.
Qujatta sondai-aq turǵyn úi qurylysynyń kólemin qaita bólý, áleýmettik infraqurylymdy — mektepterdi, balabaqshalardy, meditsinalyq jáne mádeni mekemelerdi damytý, sondai-aq 2040 jylǵa qarai halyq sanynyń 3,6 mln adamǵa deiin ósýi boljamyn eskere otyryp, jańa qoǵamdyq keńistikter qalyptastyrý kózdelgen.
Jobada kólik júiesin damytýǵa erekshe nazar aýdarylǵan. Jańartylǵan Bas jospar qoǵamdyq kólikti damytýdyń basymdyǵyn kúsheitedi: metro jelisin odan ári keńeitý, LRT-nyń alǵashqy jelisin iske qosý, BRT júiesin damytý jáne qoǵamdyq kólikke arnalǵan arnaiy jolaqtardy kóbeitý qarastyrylǵan.
Ózgeristerdiń eleýli bóligi ekologiia men kógaldandyrý máselelerine arnalǵan. Joba aiasynda saiabaq, skver, býlvar men orman-saiabaqtaryn qamtityn biryńǵai jasyl aimaq jelisin qalyptastyrý josparlanǵan. 2040 jylǵa qarai jasyl jelekpen qamtý deńgeiin halyqaralyq standartqa — bir adamǵa keminde 16 m²-ge deiin jetkizý kózdelip otyr.
«Buǵan deiin Bas jospardy túzetý jobasy tanysý úshin Sáýlet jáne qala qurylysy basqarmasynyń resmi resýrstarynda jariialanǵan bolatyn. Aldaǵy úsh kún ishinde árbir turǵyn joba boiynsha neǵurlym tolyq aqparat ala alady. Qala turǵyndarynyń pikirleri qujatty pysyqtaý kezinde mindetti túrde eskeriledi. Bul qujat qolaily, qaýipsiz, ekologiialyq turǵydan ornyqty jáne zamanaýi Almaty qalasyn qalyptastyrýǵa negiz bolýy tiis», — dep atap ótti Almatybasjospar ǵylymi-zertteý institýtynyń bas direktory Ashat Sádýov.
