Almatynyń Qala kúnine arnalǵan merekelik is-sharalarǵa megapolistiń 500 myńnan astam turǵyny men qonaǵy qatysty. Mereke qalanyń segiz aýdanynyń barlyǵyn qamtyp, negizgi oqiǵalar 18-21 qyrkúiek kúnderi ótti, dep habarlaidy Dalanews.kz
Máselen, KitapFest festivalin 40 myńnan astam adam tamashalasa, Tuńǵysh Prezident saiabaǵyndaǵy merekelik is-sharalarǵa 100 myńnan astam qonaq keldi. Al «Astana» alańynda tańnan keshke deiin 130 myńnan astam kórermen jinaldy.
Qalanyń ortalyq alańdarynda, saiabaq pen kóshelerinde aýqymdy merekelik baǵdarlama uiymdastyryldy: Tuńǵysh Prezident saiabaǵynda kólemdi Alma Fest-2025 ótti, Panfilov kóshesi innovatsiialyq Digital Fest alańyna ainaldy, al Arbat KitapFest festivetiniń arqasynda naǵyz ádebiet ortalyǵyna ainaldy. Buǵan qosa, Astana alańy, Abai alańy jáne «Kóktóbe» jotasynda úlken kontsertter ótti.
Almatylyqtar men qala qonaqtaryna Roza Rymbaeva, «Dos-Muqasan» ansambli, Zarina Altynbaeva, Birjan Hasanǵali, Baýyrjan Mýsin, Arýjan Danyshpan, Erlan Bainazarov, Áli Oqapov pen Mádi Rymbaev, Il Canto kvarteti, «JasStars», Aleksandr Lim, Diana men Alen Samykenovter, Janbolat pen Jazira, Saltanat Baqaeva, «Ulytaý», «Baqai», «Sardar» toptary, Elbol Qýanbek, Alma Amanjolova, Maral Anarbek, Baqtiiar Tailaqbaev, Óktem Altaev, Búrkit pen Aisha, Medeý Arynbaev, Tamara Asar, Qurmash Mahanov, Baǵlan Ábdiraiymov, Keńes Álimjan, BYTANAT, Erkesh Hasen, Aqylbek Jemenei, Alan Cherkasov, Ashat Tarǵyn, Zattybek Kópbosyn jáne taǵy da kóptegen artist óner kórsetti.
Gala-kontsertterdiń hedlainerleri Qairat Nurtas, TURAR, bellucci, «MýzArt» toby, Shiza, De Lacure, Adam jáne Ninety One toby boldy. Qala kúni Almatyny Qazaqstannyń mádeni astanasy retindegi mártebesin taǵy da aishyqtai tústi.
