Almatyda politsiia metro jolaýshylaryna túsindirme jumystaryn júrgizdi,- dep habarlaidy Dalanews.kz
Almaty politsiiasynyń qyzmetkerleri qoǵamdyq tártip pen jolaýshylar qaýipsizdigin qamtamasyz etý maqsatynda profilaktikalyq shara ótkizdi.
Naýqan negizgi metro stantsiialarynda ótip, halyqtyń quqyqtyq saýattylyǵyn arttyrýǵa, quqyq buzýshylyqtyń aldyn alýǵa, qoǵamdyq kólikte qaýipsiz júris-turys mádenietin qalyptastyrýǵa baǵyttalǵan. Jolaýshylarǵa aqparattyq broshiýralar men jadynamalar taratylyp, túsindirý jumystary júrgizildi.
Is-sharaǵa jas jol inspektorlary qosylyp, materialdardy taratýǵa kómektesip, jolaýshylarmen til tabysyp, metrodaǵy tártip erejelerin eske saldy.
— Jolaýshylar qaýipsizdigi - bizdiń basty mindetimiz. Almaty - zamanaýi shahar, sondyqtan metropolitendi paidalanatyn árbir adam ózin qorǵalǵan sezinýi mańyzdy. Esterińizge salamyz: zattardy qaraýsyz qaldyrmańyz, tártip buzbańyz, basqalardy qurmetteńiz. Mundai naýqandar túiitkil máselelerdi anyqtaýǵa ǵana emes, politsiia men qoǵam arasyndaǵy senimdilikti arttyrýǵa da septigin tigizedi. Aldyn alý sharalary turaqty negizde júrgiziletin bolady, - dedi, metropolitendegi politsiia basqarmasynyń bastyǵy Batýrjan Abdýmasarov.
