Almatyda “Taza Qazaqstan jalpy respýblıkalyq baǵdarlamasy jáne “Almaty – bizdiń ortaq úıimiz” qalalyq naýqany aıasynda uıymdastyrylǵan “Plastic Reboot” ekologıalyq aksıasy ótip jatyr, dep habarlaıdy Dalanews.kz.
Aksıanyń maqsaty – turǵyndardyń nazaryn plasıkalyq qaldyq máselesine aýdaryp, olardy qaıta óńdeýge qatysýǵa yntalandyrý. Halyq qoldanylǵan plasıkalyq bótelkeler men qaptamalardy tapsyrǵany úshin aqshalaı syıaqy alady. Bul aksıa aıasynda turǵyndarǵa yńǵaıly bolý úshin Eko-hab, Oqýshylar saraıy, Oqýshylarynyń ınovasıalyq shyǵarmashylyq ortalyqtary men komúnıtı-ortalyqtarynda qabyldaý pýnktteri jumys isteıdi.
Aksıaǵa qatysý úshin 18-24 qazan aralyǵyndaturǵyndar plasıkalyq bótelkelerdi jınap, qabyldaý pýnktterine tapsyrýy kerek. Qabyldaý pýnktteriniń qyzmetkerleri tapsyrylǵan plasık qaldyqtardy tekserip, olardyń talaptarǵa sáıkestigin anyqtaıdy. Odan keıin qatysýshynyń telefony men tapsyrylǵan bótelke sany arnaıy bazaǵa engiziledi.
Qaıta óńdeýge jatatyn plasık qabyldanady-sýsyndardan jasalǵan plasıkalyq bótelkeler, sýsabyndar men gelderden, turmystyq hımıadan oraý, keıbir óndirýshilerdiń Tamaq ónimderinen oraý (Amıran, Gormolzavod), bir rettik tańbalanǵan ydys 5.
Qaıta óńdeýge jaramdy plasık túrleri: sýsyn bótelkeleri, sýsabyn, gelder, turmystyq hımıa qaptamalary, keıbir azyq-túlik óndirýshileriniń qaptamalary (Amıran, Gormolzavod), jáne 5-markilengen bir rettik ydystar.
Bir rettik tańbalaý ydysy 6, tańbalanbaǵan plasık, kompúterlik jáne turmystyq tehnıkalar, kóliktiń plasıkalyq bólshekteri jáne tizimge kirmeıtin basqa da plasıkter qabyldanbaıdy. Sonymen qatar, tapsyrylatyn bótelkelerdiń taza, suıyq nemese tamaq qaldyqtarynan tazartylǵan bolýy mańyzdy.
Árbir tapsyrylǵan plasıkalyq bótelke úshin 5 teńge syıaqy beriledi. Aqsha qatysýshynyń uıaly telefonynyń balansyna aýdarylady.
Buǵan qosa, Mektep, kolej, ýnıversıtet oqýshylary men balabaqsha tárbıelenýshileri “Meıirimdi qaqpaq” baǵdarlamasyna qatysa alady. Plasıkalyq bótelkelerdiń qaqpaǵyn komúnıtı-ortalyqtarǵa tapsyrýǵa bolady. Ár aıdyń sońynda belsendi oqýshylar Eko-habta qaqpaqtardy óńdep, óz qolymen kádesyı jasaý múmkindigine ıe bolady. Jyl sońynda qaıta óńdelgen plasıkten jasalǵan jańajyldyq shyrsha ornatylady. Bul shyrsha qalany ásemdep qana qoımaı, qaıta óńdeý arqyly ekologıalyq taza orta qalyptastyrýdyń jarqyn úlgisi bolmaq.
Plasık – álemdegi eń ózekti ekologıalyq máseleniń biri. Onyń óte baıaý ydyraıdy, ekojúıege zıan keltiredi jáne topyraq pen sý qoımalaryn lastaıdy. "Plastic Reboot" sekildi aksıalar álemniń kóptegen elinde halyqty qoqysty suryptap, plasıkti paıdalanýdy azaıtýǵa yntalandyrýda oń nátıje kórsetip otyr. Aksıa arqyly turǵyndar demalys oryndary men saıabaqtardy, jaǵajaılardy, qala mańyndaǵy aýmaqtardy tazalap, QTQ qaldyqty óńdeýdiń ekologıalyq jáne ekonomıkalyq paıdasy taqyrybynda tanymdyq is-sharalar ótkizedi.
"Plastic Reboot" aksıasy turǵyndardy plasık qaldyqtardy qaıta óńdeýge tapsyrýǵa yntalandyrýmen qatar, qaladaǵy ekologıalyq ahýaldy jaqsartý maqsatyndalastaný deńgeıin tómendetýge, turǵyndardyń jaýapty tutyný ádetin qalyptastyrýǵa baǵyttalǵan.
