Almatyda páter urlaýdy "kásibine" ainaldyrǵan top músheleri qolǵa tústi, dep habarlaidy Dalanews.kz.
Politsiianyń habarlaýynsha, olar negizinen shahardyń turǵyn alabynda urlyq jasap júrgen. Jedel ýákilder arnaiy is-sharany arnaiy jasaq politseileriniń kómegimen júrgizdi.
"Qaskóiler qylmys ornynda ustaldy. Olar ustalǵanǵa deiin az ýaqyt buryn 6-shaǵyn aýdandaǵy páterlerdiń birine tereze arqyly kirip, altyn buiym men úi ieleriniń jiǵan-tergenin urlap ketken.
Eki kúdikti de buryn bótenniń múlkin urlaǵany úshin sotty bolǵan. Olardyń biri – Aqmola oblysynyń turǵyny, ekinshisi – soltústik jaqtan kelgen adam. Bizdiń jedel derekterge sáikes, bul «dýettiń» kem degende osyǵan uqsas 9 epizodqa qatysy bar. Olar negizinen qalanyń Áýezov, Medeý jáne Bostandyq aýdandarynda urlyqpen ainalysty.
Kúdiktiler qamaýǵa alyndy. Aiǵaqty zattar tárkilendi", – dedi Almaty qalalyq politsiia departamenti bastyǵynyń birinshi orynbasary Qýatbek Naýatov.
QR QK-niń 201-babyna sáikes ózge aqparat tergeý múddesine orai jariia etilmeidi. QR Konstitýtsiiasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna sai kez kelgen azamat sot sheshimi zańdy kúshine engenge deiin kinásiz dep sanalady.
