الماتىدا پاتەر ۇرلاۋدى "كاسىبىنە" اينالدىرعان توپ مۇشەلەرى قولعا ءتۇستى، دەپ حابارلايدى Dalanews.kz.
پوليسيانىڭ حابارلاۋىنشا، ولار نەگىزىنەن شاھاردىڭ تۇرعىن الابىندا ۇرلىق جاساپ جۇرگەن. جەدەل ۋاكىلدەر ارنايى ءىس-شارانى ارنايى جاساق پوليسەيلەرىنىڭ كومەگىمەن جۇرگىزدى.
"قاسكويلەر قىلمىس ورنىندا ۇستالدى. ولار ۇستالعانعا دەيىن از ۋاقىت بۇرىن 6-شاعىن اۋدانداعى پاتەرلەردىڭ بىرىنە تەرەزە ارقىلى كىرىپ، التىن بۇيىم مەن ءۇي يەلەرىنىڭ جيعان-تەرگەنىن ۇرلاپ كەتكەن.
ەكى كۇدىكتى دە بۇرىن بوتەننىڭ مۇلكىن ۇرلاعانى ءۇشىن سوتتى بولعان. ولاردىڭ ءبىرى – اقمولا وبلىسىنىڭ تۇرعىنى، ەكىنشىسى – سولتۇستىك جاقتان كەلگەن ادام. ءبىزدىڭ جەدەل دەرەكتەرگە سايكەس، بۇل «دۋەتتىڭ» كەم دەگەندە وسىعان ۇقساس 9 ەپيزودقا قاتىسى بار. ولار نەگىزىنەن قالانىڭ اۋەزوۆ، مەدەۋ جانە بوستاندىق اۋداندارىندا ۇرلىقپەن اينالىستى.
كۇدىكتىلەر قاماۋعا الىندى. ايعاقتى زاتتار تاركىلەندى"، – دەدى الماتى قالالىق پوليسيا دەپارتامەنتى باستىعىنىڭ ءبىرىنشى ورىنباسارى قۋاتبەك ناۋاتوۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.
