Almatyda «NarkoStop» jobasy belsendi túrde júzege asyrylyp keledi. Qalada nashaqorlyqpen kúreske baǵyttalǵan keshendi jospar aıasynda tórt mamandandyrylǵan ortalyq jumys isteıdi. Igi iske 3 myńnan astam erikti tartylǵan. Bul jóninde Jastar saıasaty basqarmasynyń ókilderi aıtty, dep habarlaıdy Dalanews.kz
2025 jyldyń basynan beri 180-nen astam is-shara ótkizildi. Qala kóshelerinde tyıym salynǵan zattardy jarnamalaıtyn 18 myńnan asa trafaret pen graffıtı boıalyp óshirildi, 35-ten astam aldyn alý baǵytyndaǵy beınerolık ázirlenip, olar áleýmettik jelilerde, LED-ekrandarda jáne qoǵamdyq kólikte kórsetilip jatyr.
2024 jyldan bastap kıbereriktilik baǵyty iske qosylǵan. Eriktiler tyıym salynǵan zattardy nasıhattaıtyn saıttar men paraqshalardy anyqtaıdy. 197 resýrs buǵattalyp, zerthanalar, esirtki satýshylar jáne úgitteýshiler týraly málimetter quqyq qorǵaý organdaryna joldandy.
Aıta keteıik, Almatyda 14-35 jas aralyǵynda 712,3 myń jas turady. Bul qala halqynyń 32 paıyzy. Qaladaǵy 35 joǵary oqý ornynda jáne 88 kolejde 296,5 myń stýdent bilim alady, olardyń 167 myńy ózge óńirlerden kelgen jastar. Jastar salasynda atqarylǵan jumystar nátıjesinde oń ózgeris baıqalady: NEET sanatyndaǵy jastar úlesi 6,4 paıyzdan 5,8 paıyzǵa tómendedi, al 2025 jyldyń ekinshi toqsanynda jastar arasyndaǵy jumyssyzdyq deńgeıi 4,1 paıyzǵa deıin azaıdy. Buǵan Almaty qalasyn 2025 jylǵa deıin damytý baǵdarlamasy men 2030 jylǵa arnalǵan orta merzimdi josparlardy iske asyrýdyń arqasynda qol jetken.
